Drježdźany/Berlin (SN). Dotalna generalna direktorka statnych wuměłskich zběrkow Sakskeje w Drježdźanach Marion Ackermann budźe wot klětušeho prezidentka załožby pruskeho kulturneho wobsydstwa. Po tym zo je kriminelna cwólba 2019 w Zelenym wjelbje drohotki w hódnoće wjac hač sto milionow eurow rubiła, njeje nichtó zamołwitosć za deficit wěstoty přewzał. 2021 płaćeše Ackermann w Nižozemskej wobšudnikej 40 000 eurow, kiž bě jej wobstaranje dźěla rubizny slubił. A tež po zasudźenju cwólby je so jenož dźěl – wobškodźenych – rubjenych drohotkow wróćił.

Washington (dpa/SN). Ze swjatočnosćemi k 75. róčnicy załoženja NATO su dźensa we Washingtonje tři dny trajacy wjeršk zakitowanskeho zwjazka zahajili. Na zetkanju načolnych zastupnikow w stolicy USA chcedźa statni a knježerstwowi šefojo 32 čłonskich statow wo dalšim wottrašenju a zakitowanju kaž tež wo sylnišej podpěrje na dobro Ukrainy wuradźować. Nimo toho planuja rozmołwy wo dalšim wobchadźenju ze Chinu a wo wušim zhromadnym dźěle NATO z krajemi indopacifiskeje kónčiny.

Na zetkanju wočakuja nimo zwjazkoweho kanclera Olafa Scholza (SPD) a statnych a knježerstwowych šefow dalšich hosći. Wobdźělić chce so tež ukrainski prezident Wolodymyr Zelenskyj. Připrajili su zdobom zastupnicy Europskeje unije, Awstralskeje, Japanskej, Južneje Koreje a Neuseelandskeje.

Hosćićel je prezident USA Joe Biden, kiž je tuchwilu w horcej fazy wólbneho boja. 81lětny chce zaso za demokratow do Běłeho domu zaćahnyć a dyrbi dopokazać, zo je za to strowotnisce kmany.

Wobchadni ministrojo zwjazkowych krajow žadaja sej sobudźěło Zwjazka

Berlin (dpa/SN). Cyłoněmsku jězdźenku za 49 eurow klětu podróša. „Wobchadni ministrojo zwjazkowych krajow su sej přezjedni, zo płaćiznu jězdźenki w ja­nuarje 2025 zwyša“, rjekny wobchadny minister Sewjerorynsko-Westfalskeje ­Oliver Krischer (Zeleni), po wurjadnym posedźenju ze swojimi kolegami wčera wječor w Düsseldorfje. Što abonement za zjawny bliskowobchad potom płaći, njeje tuchwilu wotwidźomne. Aktualna płaćizna 49 eurow dlěje móžna njebudźe.

Na konferency wobchadnych ministrow w nazymje chcedźa konkretnišo wo tym rěčeć, „hdyž nam wšitke ličby, daty a fakty, wosebje pak politiske rozsudy zwjazkoweho knježerstwa“ předleža, Krischer rjekny. „Jako wobchadni ministrojo krajow smy na tym zajimowani, powabliwosć jězdźenki zachować. „Chcemy wšitko za to činić, zo je zwyšenje tak moderatne kaž móžno“, wón dale rozłoži.

Trochu dźiwnje wšak je, hdyž pasanća lód lizacy abo kołbaski zešlapawši dundajo po Bohatej skrótka pozastanu a čitanju připosłuchaja, na hnujace wašnje wopisowace nadběh na wukrajnikow kaž tež reakcije nadběhowanych w septembru 1991 we Wojerecach. Přiwšěm pak je dosć njewšědny format, spřistupnić kombinaciju wu­stajeńcy, dokumentacije, knižneje prezentacije, zjawneje rozmołwy a live-hudźby na najprominentnišej mili za flaněrowanje wosrjedź Budyšina, wjele lubjacy. Snano wostanje někotremužkuli „připadnemu“ hosćej lizk resp. hapk w šiji tčacy, wuwědo­mi-li sej, zo knježi předewšěm mjez młodostnymi samsny strach kaž krótko po přewróće. Po měnjenju Grit Lemkoweje bě prawicarskim ekstremistam wutworjenje strukturow a nałožowanje taktiki zaměrneho zatrašowanja tehdy jenož móžne, dokelž su pasiwnosć policije, justicy a nic naposledk wjetšiny wobydlerjow jako „zelenu swěcu“ rozumili. Čemu – hišće raz – stawizny słuža? Bosćan Nawka