Widźał, słyšał, napisał (14.09.20)
Hłójčkowanje w kopańcy juniorow zakazać!
Ně, to njeje žadyn směšk, ale, dźe-li po měnjenju někotrych wědomostnikow, realna próstwa. Najprjedy to sam wěrić nochcych. Tola smjeće je mi, po tym zo sym so hłubšo do tematiki začitał, woprawdźe zašło.
Přikład Jendźelska: Tamniši koparski zwjazk bě hižo loni na warnowanja reagował a samo wukaz wudał. Z dźěćimi w zakładnošulskej starobje, potajkim hač do jědnaće lět, je hłójčkowanje tohodla na koparskich treningach mjeztym dospołnje zakazane. Dale wukaz předwidźi, zo maja so hač do staroby 18 lět zwučowanja, při kotrychž z hłowu hraja, redukować. Při dypkowych hrach pak wostanje pola jendźelskich juniorow najprjedy hišće wšitko po starym – młodźi hrajerjo smědźa tam z nohomaj runje tak kaž z hłójčku bul třěleć.
Sport (11.09.20)
Viktoria nětko klasu wyše
Wolejbulisća Viktorije Worklecy startuja jutře jako postupnik w krajnej klasy do winowatostnych dypkowych hrow, a to w Coswigu. Tam hraja wot 12 hodź. přećiwo ST Łobjowemu krajej Coswig-Mišno. Druhu hru tohole mustwa serbscy wolejbulisća sudźa, a w třećej hrě dnja wojuje Viktoria z Póstom Drježdźany.
Dalše krajne pokalne koło
Na krajnej runinje přewjedu dalše pokalne koło w kopańcy. Tež někotre cyłki Zapadołužiskeho koparskeho zwjazka su hišće zastupjene.
12.09. 15:00 ST Panitzsch (Borsdorf)
– Budissa Budyšin
12.09. 15:00 ST Ćisk – VFC Plauen
13.09. 15:00 Čerwjeny křiž Lipsk 99
– Jednota Kamjenc
Kónctydźenska kopańca
Štyri derbyje pospochi tworja zazběh prěnjeho koparskeho mustwa ST 1922 Radwor. Tydźenja doby wone w Malešecach z 1:0, njedźelu, w 15 hodź. hraje doma přećiwo cyłkej z Małeho Wjelkowa, kotryž je tydźenja z 0:6 na domjacym trawniku HZ Hórnikečanskemu jězorej/Ćiskej II wysoko podležał.
12.09. 12:30 HZ Hórnikečanski jězor
– SJ Chrósćicy II
12.09. 13:00 HZ Wojerowski FC II
– SJ Njebjelčicy
12.09. 15:00 Módro-běli Kulow
– ST Kinspork/Łužnica
12.09. 15:30 ST Horni kraj-Sprjewja
– Sokoł Ralbicy/Hórki
13.09. 10:30 LSV Hory II
Wuspěšny start do noweje hrajneje doby
SJ Chrósćicy II – HZ Wojerowski FC II/Wětnica-Hola 4:2 (2:1)
Zestawa domjacych: Hejduška – M. Donat, Mark, Kola (57. Dehn), Schulze, J. Donat (69. Richter), Špitank (86. Klimant), Domaška, Paška, Liznar, Jakubaš
Prěni kónc tydźenja w septembru je so tež za koparjow rezerwy Chróšćanskeje SJ skónčnje hrajna doba 2020/2021 započała. Jako hosći witaše wona mustwo z Wojerec. W minjenych lětach běchu to přeco poměrnje wurunane partije mjez cyłkomaj, a tak nastajichu so přihladowarjo na wurunany duel.
Wuslědki (10.09.20)
Kopańca, regionalna liga žonow
Biskopicy – Phoenix Lipsk 2:1 (2:0)
Přezjednota Lipsk-juh – Erfurt 0:1 (0:0)
RB Lipsk II – Magdeburgski FFC 3:3 (2:3)
1. Biskopičanske KT 1 2 :1 3
2. Přezjednota Lipsk-juh 1 1 :0 3
3. Magdeburgski FFC 1 3 :3 1
3. RB Lipsk II 1 3 :3 1
5. FC Carl Zeiss Jena 2 0 0 :0 0
6. 1. FFV Erfurt 1 0 :1 0
7. FC Phoenix Lipsk 1 1 :2 0
regionalna liga muži
Lichtenberg – Meuselwitz 1:1 (0:0)
Altglienicke – Auerbach 2:1 (0:0)
Carl Zeiss Jena – Hertha BSC II 3:0 (2:0)
Chemija Lipsk – Berlinski AK 0:0 (0:0)
Choćebuz – Halberstadt 0:2 (0:1)
Rathenow – Babelsberg 1:1 (0:1)
Biskopičanske KT – Lok Lipsk 0:2 (0:1)
Luckenwalde – BFC Dynamo 2:5 (0:3)
Borussia Berlin – Viktoria Berlin 1:2 (1:1)
Kamjenica – Fürstenwalde 3:2 (2:1)
Bolostnu poražku poćerpjeli
Drježdźanski SC
– SJ Chrósćicy 3:2 (1:1)
Zestawa hosći: Králíček – B. Cyž (46. Matješk), F. Cyž, Sentivan, L. Zahrodnik, Zynda, M. Zahrodnik, G. Zahrodnik, F. Zahrodnik (86. Špitank), Vokáček, Heidari
K prěnjej dypkowej hrě po 182 dnjach přestawki nastupi prěnje koparske mustwo SJ Chrósćicy pola Drježdźanskeho SC, a to před 150 přihladowarjemi w starodawnym Heinza Steyerowym stadionje. W publikumje bě něhdźe 30 hóstnych fanow. Wuměnjenja za koparsku partiju běchu optimalne.
Wobaj cyłkaj spočatnje wjele njeriskěrowaštej. Tak wuwi so hra mjez šěsnatkomaj, bjez wulkich šansow, ale z tójšto foulemi. W 25. min. bu domjacy hrajer w šěsnatce foulowany. Sudnik rozsudźi tuž na jědnatku za DSC, a Julius Wetzel ju přetwori. Hosćo spytachu nětko wjace za hru činić, ale zdźeržachu sej kruty porjad. Najwjetšu składnosć za hosćićela wrotar SJC Petr Králíček wotwobara. Hdyž so w tajkej hrě wjele njeradźi, dyrbiš standardy lěpje wužiwać. Přez tajki nasta w 46. min. wurunanje. Po sylnym róžku Gabriela Zahrodnika Feliks Cyž najspěšnišo reagowaše a bul z krótkeje distancy k 1:1 do wrotow suny.
Dobry test krótko do zazběha sezony
Mužojo Viktorije Worklecy zahaja sobotu wolejbulowu sezonu 2020/2021. Po wjele wuspěšnych lětach we wobwodnej lize bě postup do sakskeje klasy wjac hač zasłuženy.
Za mustwo wokoło kapitana Ludwiga Eckerta je to wulke wužadanje a zdobom dyrdomdej. Jasny zaměr wšěch hrajerjow rěka: Klasu dźeržeć! To pak budźe hladajo na sylnu konkurencu jara ćežko. Nimo toho dyrbja Worklečenjo wotchad Jana Bětnarja narunać, kiž nětko w Drježdźanach pod wysokim sakom hraje. Nowačkaj Christian Weitzmann a Max Jurack njejstaj z mustwom hišće dosć zahrataj. Tohodla Worklečenjo tučasnje tak prawje njewědźa, hdźe steja. Tak bě přeprošenje Módro-běłych z Wojerec na přihotowanski turněr w prawym wokomiku dóšło. Wolejbulisća z Zusoweho města hraja w aktualnej sezonje tež w krajnej klasy.
Wuslědki (09.09.20)
Koparska tabulka krajneje klasy
1. Drohotka Ramnow 1 8 :1 3
2. SC Borea Drježdźany 1 6 :0 3
3. SV Wesenitztal 1 3 :0 3
3. VfB Běła Woda 1909 1 3 :0 3
5. Drježdźanski SC 1898 1 3 :2 3
6. BSV 68 Sebnitz 1 2 :1 3
7. FSV Oderwitz II 1 2 :2 1
7. VfB Žitawa 1 2 :2 1
9. SG Weixdorf 1 0 :0 1
9. TSV Rotacija Drježdź. 1 0 :0 1
11. SJ Chrósćicy 1 2 :3 0
12. Rakečanske ST 1 1 :2 0
13. FC Wocl Rěčicy-jězor 1 0 :3 0
13. ST Ćisk 1 0 :3 0
15. ST Sachsenwerk Drježdź. 1 0 :6 0
16. ST Trjebin 1 1 :8 0
Napjata a spěšna partija – zetkanje z wulkej hódnotu
Serbska koparska wubranka młodźiny D hrała
Serbska koparska wubranka młodźiny D nastupi zašłu srjedu w Njebjelčicach přećiwo mustwu Drježdźanskeho Gymnazija Ehrenfrieda Walthera von Tschirnhausa. Tak je lětsa hižo druhi raz na hrajnišću stała. W februarje běchu so serbske koparki a serbscy koparjo mjenujcy hižo w hali prezentowali a na Kamjenskim Galandcupje druhe městno wobsadźili. Tam je tež kontakt k Drježdźanskim koparjam nastał. Wot loni dóstawa Serbski Sokoł za dorostowe dźěło podpěru z fondsa „Čiń sobu!“.
K zazběhej sezony derby we wokrjesnej lize dobyli
Traktor Malešecy
– ST 1922 Radwor 0:1 (0:1)
Zestawa hosći: Ch. Šěrak – Reinecke, F. Šěrak, Měrćink, Paška (80. Zähr), Pěčak (68. Glücklich), Nuk, Omran, Wjacławk (87. Wróbl), Schulze, Hančik
Poslednjej testaj poradźenej
ST 1922 Radwor
– ST Drježdźany-Dobrecy 2:2 (1:1)
Za Radworske mustwo zasadźeni: Ch. Šěrak – Reineke, Sćapan, F. Šěrak, A. Schulze, T. Schulze, Nuk, Wjacławk, Pěčak, Hančik, Wróbl, Wünderlich, Grofa, Handrik, Paška, Zähr, Jendrewski, Glücklich
