Wuslědki (02.03.17)
Regionalna koparska liga
Lok Lipsk – Babelsberg 2:0 (1:0)
Hertha BSC II – Meuselwitz 0:1 (0:1)
Nordhausen – Schönberg 3:2 (0:2)
Luckenwalde – Viktoria Berlin 6:4 (5:1)
Choćebuz – BFC Dynamo 1:0 (1:0)
Neugersdorf – RB Lipsk II 1:1 (1:1)
Fürstenwalde – Jena1:2 (0:1)
1. FC Carl Zeiss Jena 20 40 : 9 48
2. FC Energija Choćebuz 20 31 : 10 44
3. Berlinski AK 19 32 : 22 37
4. RB Lipsk II 20 28 : 24 31
5. FC Lok Lipsk 20 30 : 27 30
6. BFC Dynamo 20 34 : 26 29
7. Wacker Nordhausen 18 28 : 25 29
8. FC Viktoria Berlin 18 37 : 27 28
9. FC Neugersdorf 19 26 : 18 28
10. SV Babelsberg 03 18 30 : 26 28
11. Hertha BSC II 19 23 : 24 27
12. ZFC Meuselwitz 20 16 : 18 24
13. FC Schönberg 21 32 : 38 24
14. AfB Auerbach 19 20 : 34 19
15. FSV Luckenwalde 19 20 : 36 15
16. Union Fürstenwalde 19 19 : 35 15
17. Budissa Budyšin 20 16 : 31 13
18. TSG Neustrelitz 19 17 : 49 5
krajna liga
Hohenstein-Ernstthal – Lößnitz 2:1 (2:0)
Kamjenc – Markkleeberg 2:0 (1:0)
Taucha – Zwenkau II0:2 (0:0)
Wocl Riesa – Freiberg 0:2 (0:2)
Glauchau – Eilenburg 0:3 (0:2)
Reichenbach – Grimma 1:2 (1:0)
Kamjenica – Pirna-Copitz 1:0 (1:0)
1. FC Eilenburg 16 43 : 10 42
2. FC Grimma 16 37 : 16 39
3. Jednota Kamjenc 16 36 : 14 35
4. Wocl Riesa 16 33 : 29 28
5. Hohenstein-Ernstthal 15 35 : 22 26
6. Pirna-Copitz 15 27 : 22 23
7. Markkleeberg 14 25 : 30 17
8. Přezjednota Niska 15 20 : 24 16
9. Rapid Kamjenica 15 27 : 26 15
10. Empor Glauchau 15 25 : 33 14
11. FC Reichenbach 15 14 : 23 13
12. FC Lößnitz 15 13 : 27 13
13. BSC Freiberg 15 24 : 44 12
14. VfB Zwenkau II 15 16 : 36 9
15. Žołto-běli Zhorjelc 0 0 : 0 0
16. SG Taucha 15 16 : 35 0
Stehr – talent w rjadach Budissy
W koparskej partiji FC Carl-Zeiss Jena přećiwo Budissy Budyšin w regionalnej lize steješe hakle 18lětny Anton Stehr za Budissu na hrajnišću. Hanspeter Benad je so za Serbske Nowiny ze sympatiskim młodostnym rozmołwjał.
Antono, hdy a hdźe sće započał kopački šnórować?
A. Stehr: Z pjeć lětami započach w Humboldtowym haju za Budissu Budyšin kopańcu hrać.
Kotre hobbyje nimo kopańcy hišće maće?
A. Stehr: Nětko za čas abitury nimam telko wólneho časa. Hewak sym rady z přećelemi po puću, často tež ze swójbnymi – wosebje ze swojimi štyrjomi bratrami.
W Jenje před 2 500 přihladowarjemi hrać njeje runje lochko. Sće tež tróšku třepotał?
A. Stehr: Jako dźěch na kopanišćo, běch jara napjaty. Po tym zo je sudnik hru skónčnje zahwizdał, so stoprocentnje na swoje nadawki koncentrowach.
Što měniće k poražce 0:4 w Jenje?
A. Stehr: Hač k čerwjenej karće w 25. min. smy jara derje sobu hrali. Pola načolnika je skoro njemóžno dypkować, a to hišće w tej konstelaciji.
Kak spokojom sće ze swojim wukonom był?
A. Stehr: Za prěnju hru w regionalnej lize sym spokojom.Wutrobny dźak!
Bohužel jenož remis docpěli
TSG Neustrelitz –
Budissa Budyšin 0:0 (0:0)
Zestawa hosći: Große – Kolan, Patka, Pfanne, Heppner, Hausdorf (71. Šisler), Hoßmang, Rosendo (78. Němec), Barnickel (61. Žuljević), Hänsch, Salewski
Minjenu njedźelu bě regionalny koparski ligist Budissa Budyšin hósć TSG Neustrelitza, nošerja čerwjeneje latarnje. Dokelž bě sej tón do toho jenož jedne dobyće a dwaj remisaj nakopał, nadźijachu so Budyšenjo wažnych třoch dypkow. Před 257 přihladowarjemi započachu tež z dobrej móžnosću Ezequiela Rosenda, kiž pak njezamó z wólnym kopom wrotarja přewinyć (2.). Hosćo přewzachu hrajnu kontrolu, dyrbjachu pak přiwšěm kedźbować. W 10. min. dósta domjacy Solomon Okoronkwo wot sudnika čerwjenu kartu. Wón bě na zemi ležacemu Rosendźe bul do mjezwoča třělił. Wotnětka měješe Budissa muža wjace na kopanišću, Neustrelitz pak šěsnatku jara derje zakitowaše. W 31. min. přihra Martin Hoßmang bul Maikej Salewskemu, ale tón trjechi jeno žerdź. Nimale z wothwizdanjom połčasa prasny třělwa Luigija Campagna do žerdźe Budyskich wrotow.
Přechodnje na čole tabulki
Štóž je hižo raz jako coach na ławce w sportowej hali sedźał, tón wě, kak ćežko je, na kromje hrajnišća rozbudźeny być a ničo na hrajnym wotběhu změnić njemóc. Hišće ćešo bě to zašłu sobotu, jako dyrbješe poradźowar volleyballistow Worklečanskeje Viktorije hrajny dźeń swojich chowancow z 800 kilometrow zdaleneho Južneho Tirola sćěhować. Hakle po pjeć hodźinach dósta wón skónčnje Whatsapp-powěsć wo dwěmaj triumfomaj. Štož bě so do toho stało, wo tym je w detailu zhonił.
Viktoria Worklecy – JTVG Fitnes Koblicy 3:1 (26:24, 25:19, 19:25, 26:24)
Přihotowansku hru jasnje dobyli
SJ Njebjelčicy – ST Ćisk II 4:0 (2:0)
Zestawa domjacych: Hahn – Zeller, Šołta, Pawlik, Haška, Hrjehor, Lejnart, Kral, Hanuza, Šram, Korjeńk, Janca, Čornak, Hoelzel
Swój posledni test su koparjo Njebjelčanskeje SJ minjenu sobotu 4:0 dobyli, a to w Kamjencu na kumštnym trawniku přećiwo rezerwje z Ćiska. We woběmaj połojcomaj partije poradźichu so jim dwoje wrota.
Po někotrych derje wuhratych šansach docpě Robert Lejnart z wótrej třělwu nawjedowanje (28.). Wo 2:0 postara so Jakub Šołta. Wón bě so na lěwej stronje rjenje přesadźił a smokny kulowatu kožu z wótreho kuta do syće (38.).
Po přestawce wotzamkny Jurij Haška rjany nadběh, bul pak zleća nimo žerdźe. Na to slědowaštej dwaj dalšej nadběhaj přez Pawla Hrjehorja a znowa přez Hašku. Štwórć hodźiny do kónca bu Handrij Korjeńk z dołhej přihrawku pósłany a postara so wo 3:0. Štwórte wrota běchu tohorunja derje wuhrate. Lejnart bě Hrjehorja z rjanej přihrawku posłužił, a tón přetwori z niskej diagonalnej třělwu k 4:0. Hosćo z Ćiska Njebjelčanow lědma do wuskosćow přinjesechu. Škit steješe wěsće. Nimo toho pobrachowachu hosćom wjacori hrajerjo. Bjarnat Deleńk
Sokoljo maja noweho trenarja
Nimale 7 100 ludźi porjadnu hru widźało
FC Energija Choćebuz
– BFC Dynamo 1:0 (1:0)
Zestawa domjacych: Spahić – Stein, Matuwila, Schlüter, Baude, Putze, Kruse, Ziegenbein, Weidlich (77. Marcelo), Viteritti (88. Gehrmann), B. Förster (70. Mamba)
Po wulkotnych 90 hrajnych mjeńšinach mjez FC Energiju Choćebuz a FC Dynamo Berlinom běchu sej wšitcy přezjedni. Tónle 22. hrajny dźeń měješe wosebitu wobhladanjahódnu partiju w štwórtej lize, w kotrejž zetkaštej so mustwje na samsnej runinje. Najprjedy pak staraštej so dwě móžnosći hosći wo njepřijomne začuće na Choćebuskich tribunach. Hakle poněčim so domjacy lěpje do hry namakachu, bjez toho pak zo bychu sej někajke wjetše šansy za wrota wuhrali. Někotre sekundy do kónca prěnjeho połčasa pak nasta scena, kotraž bě pozdźišo za cyłu hru rozsudna. Kapitan Marcel Baude bě so na prawym křidle přesadźił a kulowatu kožu do směra na dołhi kut sunył. A Benjamin Förster docpě bjez problemow swoje dźesate wrota w aktualnej hrajnej dobje.
Magiska hranica překročena
Po dobyću 4:0 pola Freiburgskich wjelkow su Łužiske liški magisku hranicu 80 dypkow překročili. Lodohokejowe statistiki předkołow zašłych lět pokazuja, zo docpěwaja cyłki z 80 a wjac dypkami tak mjenowane playoff-hry, hdźež so bój wo mišterstwo rozsudźa.
Ale je to tež najlěpša sezona po změnje? Tele prašenje hodźi so hakle po kóncu hłowneho koła wotmołwić. Přiwšěm móžemy hižo raz na „dobru“ lišču dobu pohladać. Lěto, w kotrymž měješe Běła Woda 80 a wjac dypkow na swojim konće, bě sezona 2004/2005. To je team wokoło trenarja Horymíra Sekery 84 ličakow nahromadźił. Tehdom bě jeho syn Martin Sekera wusahowacy hrajer Łužiskich liškow. Dirk Rohrbach a Matthias Wikström jemu při tym pomhaštaj. Tale trójka natřěla 192 scorer-dypkow, štož dosahaše za sedme městno w tabulce po hłownym kole. W štwórćfinalu pak bě přećiwo pozdźišemu mištrej a postupnikej z Duisburga spěšnje kónc: štyri hry – štyri poražki.
Widźał,słyšał, napisał (27.02.17)
Awtor dźensa
Clemens Šmit
W dźensnišej kolumnje wěnuju so tróšku tym koparskim mustwam, kotrež poprawom přeco jenož w sćinje swojich „wulkich bratrow“ steja. W přichodnych linkach wobswětluju tuž aktualnu situaciju rezerwow našich serbskich koparskich mustwow.
Započinam w Chrósćicach. Nastupajo tamniše druhe mustwo njebě do spočatka sezony ani jasne, hač so scyła dosć ludźi hromadźe namaka. Cyłk hrožeše rozpadnyć, a samo wo wotzjewjenju mustwa bě skrótka rěč. Po tym zo bě trójka Bosćij Klimant, Michał Wowčer a Mathias Dórnik nazwučowarnje prowizorisce přewzała, chodźi nětko zaso wjace hrajerjow na trening. Płody angažementa nowych trenarjow pak njepokazuja so jeno na skrućenym mustwowym duchu. Tež aktualne zaměstnjenje w lize – wokrjesna klasa, stafla II – wupokazuje pozitiwnu tendencu. Jako tučasnje prěni tabulki wojuje SJC II samo wo mišterstwo a postup.
Njebjelčanska stara garda turněr dobyła
Ralbicy. Stara koparska garda Sportoweje jednotki Njebjelčicy přewjedźe minjeny pjatk w Ralbicach swój halowy koparski turněr, na kotryž bě sej štyri cyłki přeprosyła.
Dokelž běchu Pančičenjo jeno z dwěmaj hrajerjomaj přijěli, rozsudźichu so wjacori koparjo jim pomhać. Tak hrajachu z nimaj třo koparjo Zeleno-běłych z Hórkow, dwaj wot Sokoła Ralbicy/Hórki a jedyn Njebjelčan. Tale wubranka wobsadźi za Njebjelčanskej SJ druhe městno. Na dalšich pozicijach slědowachu Hórki, Ralbicy a Chrósćicy. Maik Brězan
