Młodostni su składnosć wužiwali a na swoje mjeńšiny skedźbnjeli

Budyšin (SN/MiR). Diversity rěka mnohotnosć. Wobdźělnicy tuchwilu w Budyšinje wotměwaceho so festiwala dopokazachu ju wčera na tudyšich Žitnych wikach. Na wikach wuměny předstajichu młodostni, wšitcy přisłušnicy narodnych mjeńšin z wjacorych europskich krajow, wosebitosće swojeje mjeńšiny. Mjez poskitkami běchu jědźe, předewšěm pak informaciski material.