Z dźensnišeho posedźenja krajneho sejma w Drježdźanach

Drježdźany (SN/MkWj). Tuchwilna kriza ćěkancow dla njeje poprawom kriza, ale cezura, kotraž našu towaršnosć zasadnje změni. Tole rjekny sakski minister za hospodarstwo Martin Dulig (SPD) dźensa w krajnym sejmje. Towaršnosć je wužadana, tychle ludźi dołhodobnje integrować a nic jeno přećelnje witać. Tole płaći po jeho słowach tež za hospodarstwo. Požadarjo azyla měli spěšnje puć na dźěłowe wiki namakać, zo móhli so z kolegami sakskich dźěławych stać.