Wólby grjekskeho parlamenta dosć jasnje wušli
Athen (dpa/SN/K). Njenadźicy jasnje je lěwe zwjazkarstwo Syriza wčerawše dočasne parlamentne wólby w Grjekskej dobyło, z čimž so jeho šefej Alexisej Tsiprasej rjap skrući. Po wuličenju nimale wšěch wotedatych hłosow nažnja Syriza 35,47 procentow. Jeje najwjetši kontrahent, konserwatiwna Nea Dimokratia (ND), docpě 28,09 proc. Wólbne wobdźělenje wučinješe jeničce 54,40 proc. (w januaru 63,60 proc.). Dokelž so Tsipras hišće wčera wječor z předsydu Njewotwisnych Grjekow (Anel) Panosom Kammenosom na dalšu zhromadnu koaliciju dojedna, bu wón hižo dźensa za premiera spřisahany z nadawkom, wutworić nowe knježerstwo.
