Pólscy politikarjo maja epidemije přez ćěkancow za móžne

Berlin/Ljubljana/Waršawa (dpa/SN/K). Nastupajo migracisku krizu je přisamom hektiskich aktiwitow. Němska kanclerka Angela Merkel (CDU) bě na wčerawšim zetkanju z turkowskim statnym prezidentom Recepom Tayyipom Erdoğanom w Istanbulu Turkowskej nimo wizowych lěpšin skutkownu financnu podpěru Europskeje unije za zaměstnjenje ćěkancow přilubiła. Při tym matej wobaj stataj za trěbne, nawal ćěkancow scyła zadźeržeć. Wonkowny minister Frank-Walter Steinmeier (SPD) napomni Sawdi-Arabsku a dalše staty regiona, wobdźělić so na zastaranju milionow azyl pytacych. W Riadźe wón zwurazni, zo maja tež staty Srjedźneho wuchoda zamołwitosć w migraciskej krizy a nic jenož Europa. Sawdi-Arabska ćěkancow lědma přijimuje.