Sakski krajny sejm 25. róčnicu wobstaća swjećił

Drježdźany (SN/MkWj). Sakski krajny sejm je wčera 25. róčnicu swojeho prěnjeho posedźenja wopominał. Na swjatočne zarjadowanje w cyrkwi Třoch kralow – tam wotmě so 27. oktobra 1990 konstituowace schadźowanje – běchu nimo zapósłancow sejma tež něhdyši čłonojo sakskeho parlamenta prošeni.

Mjez přitomnymi bě tež něhdyši zapósłanc SPD w Sakskim krajnym sejmje Benedikt Dyrlich. Přeprošenje tohorunja sćěhowali běchu předsyda Domowiny Dawid Statnik, předsydka Serbskeho šulskeho towarstwa Ludmila Budarjowa a čłon Rady za serbske naležnosće Sakskeje Manfred Hermaš.