Němscy a wukrajni politikarjo sławja njeboćičkeho něhdyšeho kanclera

Hamburg (dpa/SN/K). Po smjerći něhdyšeho kanclera Helmuta Schmidta, kiž bě wčera 96lětny w Hamburgu zemrěł, započachu dźensa žarowanske zarjadowanja planować. Předwidźane je, njeboćičkeho politikarja SPD kónc nowembra hódnoćić ze statnym aktom w Hamburgu. Před jeho domom w hanseatiskim měsće kładu ludźo kwěćele a stajeja swěčki. Chorhoje na radnicy maja čorne sekle. W Hamburgu a Berlinje su kon­dolencne knihi wupołožene.