Rada Załožby za serbski lud na nachwilne rozrisanje so dojednała
Budyšin (SN/JaW). Wot 1. januara 2016 ma Michaela Mošowa jako zastupjerka direktora Załožby za serbski lud wjednistwo serbskeje institucije nachwilnje přewzać. To je załožbowa rada na swojim wčerawšim wurjadnym posedźenju w Budyskim Serbskim domje wobzamknyła, zdźěli jeje předsyda Jan Budar na naprašowanje našeho wječornika.