Wobydlersku iniciatiwu Minority SafePack hakle 100 000 ludźi podpisało
Budyšin/Wien (SN/JaW). Wobydlerska iniciatiwa Federalistiskeje unije europskich narodnych mjeńšin (FUEN) k skrućenju prawow mjeńšin Minority SafePack na europskej runinje skerje pomału postupuje. Kaž Domowina zdźěli, bě FUEN 24. oktobra wozjewiła, zo je iniciatiwa 100 000 podpismow docpěła. Tak předleži něhdźe k połčasej runje dźesać procentow trěbneho miliona podpismow. W Němskej je dotal něšto wjac hač tysac ludźi online podpisało, štož wučinja runje jenički procent. Prezidij Zwjazkoweho předsydstwa Domowiny je na swojim posedźenju we Wojerecach aktualny staw iniciatiwy rozjimał a ličbu 100 000 podpismow „dobry mjezystaw“ mjenował. Zdobom gremij wšitkich namołwja iniciatiwu podpěrać.