Brüssel/Frankfurt (dpa/SN). Lufthansa je po informacijach wubědźowanskich dohladowarjow EU krótko do termina korigowany namjet za wotpohladane přewzaće Air Berlina zapodała. Doba za rozsud podlěši so tuž hač do 21. decembra, zdźěla dźensa Brüsselski zarjad. Njemjenuje pak žane detaile k namjetam Lufthansy. Frankfurtski DAX-koncern chce z dźělnymaj towaršnikomaj LG Walter a Niki za 210 milionow eurow nahladny dźěl Air Berlina z 81 jetami a k tomu słušacymi lětanskimi prawami přewzać.
Němska wotćehnje diplomata
Berlin (dpa/SN). Reagujo na najnowši raketowy test Sewjerneje Koreje Němska swoje diplomatiske styki z wuchodoaziskim krajom wobmjezuje. Wonkowny minister Sigmar Gabriel (SPD) je na wopyće we Washingtonje připowědźił, zo němskeho diplomata – nic pak wulkopósłanca – ze stolicy Pjöngjanga wotćahnu. Zdobom bu Sewjerna Koreja namołwjena, sobudźěłaćerja swojeho wulkopósłanstwa w Berlinje wróćo zwołać.
Orbán da ludźi wobstražować