Drježdźany (SN/at). 42lětny Michael Kret­schmer (CDU) ze Zhorjelskeho wo­krjesa je nowy ministerski prezident Swobodneho stata Sakskeje. 69 z přitomnych 122 zapósłancow Sakskeho krajneho sejma je za namjet knježerstwoweju frak­cijow CDU a SPD hłosowało, kotrejž matej 77 mandatow. 48 zapósłancow bě přećiwo tomu, při čimž běštej opoziciskej frakciji Lěwicy a Zwjazka 90/Zelenych hižo do toho připowědźiłoj, zo za Kretsch­mera njehłosuja. Dwaj zapósłancaj staj so hłosa wzdałoj, tři wólbne lisćiki běchu njepłaćiwe.