Zajimawe pro a kontra wočakować

Montag, 10. September 2018
Artikel bewerten
(0 Stimmen)

Njebjelčicy/Chrósćicy (SN/at). Dźensa popołdnju w štyrjoch skónči so doba, zo móžachu serbske towarstwa kandidatow za wólby Serbskeho sejma namjetować. Sydom wosobow je spěchowanske towarstwo Smy z.t. wčera w Njebjelčicach nominowało. Su to Dirk Mark, wědomostnik z Hogrozneje (Ogrosen) pola Wětošowa, Cornelia Šnipa, wodźerka hosći a terapeutka z Ptačec, Handrij Wjenk, diplomowy překupc z Rakec, historikar Alexander Pólk z Budyšina, Gerat Šram, diplomowy inženjer z Koćiny, Christof Haenel, socialny pedagoga ze Sedlišća, měšćanskeho dźěla Złeho Komorowa, a rjemjeslnik Pětr Janak z Wuskidźe (Weiß­keißel). Z pomocu skupiny swójskich podpěraćelow chce Dirk Pawlik z Myšyna pola Bórkowow kandidować. „Sym so pola wólbneho nawody dr. Domaški wobhonił, hač je tež na hinaše wašnje móžno wosoby namjetować hač jeno přez towarstwa. Nimo toho je mi moja strona CDU podpěru přilubiła“, rjekny mějićel młyna našemu wječornikej.

Veröffentlicht in Politika
Bitte anmelden, um einen Kommentar zu posten

Anzeige