Skandal łžow a zamylenjow braniborsku SPD střasł
Podstupim (dpa/SN). Braniborska SPD chce škodu, kotraž je přez skandal łžow wokoło dotalneho kandidata za Europski parlament Simona Vauta nastała, wobmjezować. Krajny předsyda strony a ministerski prezident Dietmar Woidke je wčera swoje hłuboke přesłapjenje a zludanje zwuraznił a zdobom Maju Wallstein jako narunansku kandidatku předstajił. „Nětko su wozjewjene łžě a jebanja braniborskeje SPD hobersku škodu načinili“, rjekny Woidke w Podstupimje. „Wotzamknjemy tutón kapitl. Hladamy doprědka!“ Vaut chce pisomnje připowědźić, zo swój mandat jako zapósłanc Europskeho parlamenta njepřiwozmje.