„Steve Jobs regiona“ dom kónc měsaca wopušći

Dienstag, 02. April 2019
Artikel bewerten
(0 Stimmen)
Nawoda Domu biskopa Bena dr. Peter-Paul Straube přepoda zastojnstwo Sebastianej Kieslichej (wotl.), kiž měješe wčera swój prěni dźěłowy dźeń.  Foto: SN/Maćij Bulank Nawoda Domu biskopa Bena dr. Peter-Paul Straube přepoda zastojnstwo Sebastianej Kieslichej (wotl.), kiž měješe wčera swój prěni dźěłowy dźeń. Foto: SN/Maćij Bulank

Smochćicy (SN/BŠe). „Institucija w Smochćicach so rozžohnuje“, zwurazni nowinski rěčnik Drježdźansko-Mišnjanskeho biskopstwa Michael Baudisch na wčerawšej nowinskej rozmołwje, na kotrejž su noweho nawodu Domu biskopa Bena Sebastiana Kieslicha předstajili a wjace hač dwacećilětne dźěło dotalneho šefa zarjadnišća dr. Petera-Paula Strauby hódnoćili. Kaž nawodnica pastoralneho wotrjada ordinariata Elisabeth Neuhaus wuzběhny, „njehodźi so jeho žiwjenski skutk scyła dospołnje zapřimnyć. Wón dźě je profil wutworił, kotryž daloko přez mjezy biskopstwa skutkuje.“ Za kompetencu dr. Strauby su tuž jara dźakowni. Nimo tójšto twarskich naprawow zašłych 24 lět je wón njeličomne poskitki w kubłanskim wobłuku iniciěrował kaž tež politiske a wuměłstwowe zarjadowanja organizował. Runje tak je z přewjedźenymi, tak mjenowanymi Wuchodoeuropskimi seminarami nowe rumy wotkrył. „Wón je ‚Steve Jobs regiona‘, hdźež je hižo wobstejace wěcy hromadu zwjedł, z kotrychž su zmysłapołne nowe wěcy nastali“, radźićelka biskopskeho ordinariata rozłoži.

Veröffentlicht in Politika
Bitte anmelden, um einen Kommentar zu posten

Anzeige