London (dpa/SN). W bjezkónčnej stawiznje brexita móhł tutón tydźeń rozsudny być: Z napjatosću dźensa čakachu, hač běchu direktne rozmołwy mjez knježerstwom a opoziciju wo móžnych wupućach z krizy wuspěšne. Zajutřišim chcedźa čłonojo EU na wurjadnym wjeršku rozsudźić, hač podlěšenju brexita přihłosuja. Premierministerka Theresa May bě wo to prosyła, brexit na 30. junij přestorčić. Britiski parlament chce w tym prašenju tež hišće sobu postajeć.

USA žadaja sej kónc ofensiwy

Washington (dpa/SN). Wonkowny minister USA Mike Pompeo libyskeho generala Chalifa Haftara namołwja ofensiwu k zdobyću libyskeje stolicy Tripolisa hnydom skónčić. W tutym konflikće njeje žanoho wojerskeho rozrisanja, wón rjekny. Politiske rozrisanje je jenički puć, kraj zaso wujednać. Mjezynarodnje připóznate knježerstwo kraja mjeztym zdźěla, zo přihotuje napřećiwnu ofensiwu.

Ludomordarstwo wopominali