Tak žane bydlenje njenastanje

Dienstag, 09. April 2019
Artikel bewerten
(0 Stimmen)

Debata wo móžnym wuswojenju bydlenskich koncernow

Berlin (dpa/SN). Wodźacy politikarjo CDU su namjet předsydy Zelenych Roberta Habecka, w boju přećiwo nuzy na bydlenskich wikach wulkowobsedźerjow bydlenjow wuswojić, raznje kritizowali. „Nětko zjawnu debatu wo wuswojenju nastorčić je ekstremnje škódne. Wšako sej we wšitkich městach přejemy, zo ludźo do bydlenjow inwestuja“, rjekny sewjerorynsko-westfalski ministerski prezident Armin Laschet wčera do posedźenja prezidija CDU w Berlinje. Šef durinskeje CDU Mike Mohring mjenowaše nastork Habecka „ryzy socializm“. Laschet sej žadaše: „Dyrbimy debatu spěšnje skónčić, přetož tak ani jeničke bydlenje njenastanje. Mnozy, kotřiž chcyli inwestować, su znjeměrnjeni.“

Sakski ministerski prezident Michael Kretschmer (CDU) rjekny hladajo na pobrachowace bydlenja: „Je wostrózbjace widźeć, kajke myslenje je mjez Zelenymi zdźěla hišće rozšěrjene.“ Wón je sej wěsty, zo so podruže zaso zniža, hdyž nowe by­dlenja nastanu. Štóž wuswoja, žane nowe bydlenja njetwari, Kretschmer wuzběhny.

Veröffentlicht in Kraj a swět
Bitte anmelden, um einen Kommentar zu posten

Serbska debata

Neuheiten LND