Zahubne wohenje w Awstralskej

Montag, 11. November 2019
Artikel bewerten
(0 Stimmen)

Sydney (dpa/SN). Zahubnych lěsnych wohenjow w Awstralskej dla su we wuchodnym zwjazkowym staće New South Wales nuzowy staw wukazali, kotryž ma cyły tydźeń płaćić. „Zdalujće so božedla kerčiny a lěsow“, warnowaše ministerska prezidentka wobydlerjow kraja. Njewšě­dna horcota a sylny wětřik wohenjam polěkujetej. Po informacijach wohnjoweje wobory njeje 40 z cyłkownje 60 wohenjow hižo pod kontrolu. Znajmjeńša třo ludźo su dotal žiwjenje přisadźili, sto dalšich je so zraniło.

Morales chce wotstupić

La Paz (dpa/SN). Po 13 lětach na čole kraja je prezident Boliwiskeje Evo Morales swój wotstup připowědźił. Wotpowědny spis pósła wón parlamentej, kaž lěwicarski prezident w telewizijnej narěči připowědźi. Do toho bě wón namjetował, wjele diskutowane prezidentske wólby před třomi tydźenjemi wospjetować. Organizacija ameriskich statow bě w nachwilnej rozprawje manipulacije zwěsćiła. Tež opozicija raznje přećiwo Moralesej pro­testuje, kotremuž je Mexiko mjeztym politiski azyl poskićił.

Wólby dobył, ale bjez wjetšiny

Madrid (dpa/SN). Socialistiska dźěłaćerska strona ministerskeho prezidenta Pedra Sáncheza je wčerawše nowowólby španiskeho parlamenta dobyła. Po do­talnych prognozach pak wostanje strona z 28 procentami jasnje pod absolutnej wjetšinu. Španiskej hrozy tak pokročowanje dotalneje politiskeje blokady.

Veröffentlicht in Politika
Bitte anmelden, um einen Kommentar zu posten

Anzeige