Kretschmer a Woidke za rentu

Dienstag, 12. November 2019
Artikel bewerten
(0 Stimmen)

Kompromis wulkeje koalicije přewažnje witaja – kritika z křidła CDU

Berlin/Podstupim (dpa/SN). Sakski ministerski prezident Michael Kretschmer je wujednany kompromis koalicije nastupajo zakładnu rentu zhromadnje ze swojim posaarskim kolegu Tobiasom Hansom (wobaj CDU) witał. Je wažne, zo politika swoje přilubjenja dodźerži a zo koalicija dopokazuje, zo je jednanjakmana, rjekny Kretschmer wčera do wuradźowanja stronskich gremijow w Berlinje. Ludźo su po jednanjach, kotrež su so přez wjacore wólbne doby ćahnyli, na zakładnu rentu čakali. „Je stajnje tak: Koalicija ženje na wěcownych temach nje­zwrěšći, ale stajnje jenož na wosobach“, rjekny Kretschmer hladajo na staw čorno-čerwjeneje koalicije. „Tute wosoby pak su so nětko přewinyli a su pokazali, zo móža něšto zdokonjeć. To je dobry signal.“ W Sakskej z toho wuchadźeja, zo móhło něhdźe 200 000 ludźi ze snadnej mzdu wot zakładneje renty profitować.

Veröffentlicht in Politika
Bitte anmelden, um einen Kommentar zu posten

Anzeige