Iniciatiwa: Dźesać zhubjenych lět

Freitag, 10. Januar 2020
Artikel bewerten
(0 Stimmen)

Trier (dpa/SN). Něhdźe dźesać lět po wotkryću skandala znjewužiwanja w katolskej cyrkwi Němskeje njeje po měnjenju iniciatiwy „Róžkate blido“ na mnohich městnach hišće „žane woprawdźite rozswětlenje a předźěłanje“ widźomne. Je „někotrych swětłownjow w krajinje“, kaž nastupajo klóšter Ettal abo Regensburgske tachantske wróbliki. Hewak pak „so wšitko hakle započina“, praji rěčnik iniciatiwy Matthias Katsch na naprašowanje powěsćernje dpa.

Katsch bě w januaru 2010 wotkryće skandala znjewužiwanja dla na Berlinskim kolegu swj. Kanizija sobu nastorčił. Wón přisłuša tež komisiji fachowcow zwjazkoweho knježerstwa, kotraž skandal předźěłuje. Dale so nadźija, zo biskopja skónčnje njewotwisnemu a transparentnemu přeslědźenju splažneho znjewužiwanja po jednotnych směrnicach přihłosuja. Potom móhli njewotwisni fachowcy archiwy biskopstwow přeslědźić a „njewotwisnje wot wosobinow zamołwitosće přirjadować“, štož njeje so dotal hišće stało. Towaršnostnje drje je so wjele stało, z wida potrjechenych pak bě minjeny­ lětdźesatk „zhubjeny čas“.

Veröffentlicht in Politika
Bitte anmelden, um einen Kommentar zu posten

Anzeige