Na dobro mjeńšich wobchodow

Donnerstag, 23. Januar 2020
Artikel bewerten
(0 Stimmen)

Sakska Lěwica žada sej program za lěpše zastaranje ludźi na wsach

Drježdźany (SN). Frakcija Lěwicy w Sakskim krajnym sejmje žada sej krajny program „Wjesne wobchody w Sakskej“. Dyrbjeli swójske iniciatiwy wobydlerjow přichodnje dołhodobnje podpěrać, zo by so zastaranje ludźi na wsach polěpšiło. Krajne knježerstwo měło lěpje wo wobstejacych spěchowanskich móžnosćach informować a nimo toho „Směrnicy za wjesne wobchody“ nastupajo jich wutworjenje, zarjadowanje a wobhospodarjenje zdźěłać. Wosebite „Stabowe městnobliskeho zastaranja na wsach“ měł zajimcow podpěrować, na přikład při zestajenju próstwow wo spěchowanske srědki z Europskeho ratarskeho fondsa za wuwiće wjesnych kónčin (ELER) respektiwnje Zhromadneho nadawka k polěpšenju ratarskeje struktury a škita pobrjohow (GAK). Nimo toho měli swobodny stat a komuny załožerjam tajkich mjeńšich wobchodow při pytanju za kmanej městnosću hodźace so objekty přewostajić.

Veröffentlicht in Kraj a swět
Bitte anmelden, um einen Kommentar zu posten

Serbska debata

Neuheiten LND