Washington (dpa/SN). Prezident USA Donald Trump je w swojej narěči k połoženju naroda před kongresom wuspěchi swojeje politiki w najrjeńšich barbach wuchwalował. „Staw naroda je lěpši hač hdy do toho“, rjekny ameriski prezident wčera wječor. Rěčnica Domu reprezentantow, demokratka Nancy Pelosi, swoje zacpěće za Trumpa njezataji a roztorha na kóncu narěče manuskript, kotryž bě jej wón do toho dał.

Ludźo ćěkaja před ofensiwu

Istanbul/Damaskus (dpa/SN). Noweje wojerskeje ofensiwy na sewjerozapadźe Syriskeje dla je po informacijach UNO ­minjene tydźenje wjace hač poł miliona ludźi ćěkać dyrbjało. Jednotki syriskeho prezidenta Bashara al-Assada postupuja w prowincy Idlib přećiwo zběžkarjam, kotřiž tam knježa. „Wot 1. decembra su 520 000 ludźi z jich domow wuhnali“, zdźěli rěčnik pomocneho skutka UNO David Swanson. 80 procentow ćěkacych su žony a dźěći.

Cyła łódź dyrbi čakać