W Schleswigsko-Holsteinskej so dołho wo tajke zastupnistwo po přikładźe Załožby za serbski lud prócowali

Zwjeselaca powěsć je so z krajneje stolicy Schleswigsko-Holsteinskeje do Łužicy dóstała. Tež tamniši Frizojo maja nětko załožbu. Z wosebitym zakonjom je krajny sejm hižo loni w decembrje wobzamknył, zo maja „Załožbu za frizisku ludowu skupinu w kraju Schleswigsko-Holsteinskej“ wutworić (SN informowachu). Frizisce rěkaja jej „Friisk Stifting“, němsce „Friesenstiftung“. Přikład za tajku statnu a stajnu formu bě Załožba za serbski lud.