Miliony na dobro Libanona

Montag, 10. August 2020
Artikel bewerten
(0 Stimmen)

Paris (dpa/SN). Na mjezynarodnej konferency darićelow na dobro Libanona su 252,7 milionow eurow nazběrali. To zdźěli francoski prezidialny zarjad po widejowej konferency. Francoski prezident Emmanuel Macron bě konferencu zhromadnje ze zastupnikami UNO nawjedował. Němska přinošuje něhdźe 20 milionow eurow. Libanon ma po zahubnym rozbuchnjenju w Beiruće wosebje wulke hospodarske problemy.

Ministraj wotstupiłoj

Beirut (dpa/SN). Po přiběracej roznjemdrjenosći zahubneje detonacije w Beiruće z wjele mortwymi a zranjenymi dla libanonske knježerstwo dźeń a bóle chabła. Wčera staj dwaj ministraj wotstupiłoj. Ministerski prezident Hassan Diab spyta dalšich ministrow pohnuć, zo w knježerstwje wostanu. Knježerstwo kraja je rozpušćene, hdyž wjace hač třećina wšitkich 30 ministrow swoje zastojnstwo złoži. Wčera su sta ludźi přećiwo knježerstwu protestowali, dokelž by so po jich měnjenju katastrofje zadźěwać hodźało.

SPD zhromadnje z Lěwicu?

Veröffentlicht in Kraj a swět
Bitte anmelden, um einen Kommentar zu posten

Serbska debata

Neuheiten LND