Kampanja „Sorbisch? Na klar.“ přewšo wuspěšna
Podstupim/Budyšin (SN/MiR). Sakska imagowa kampanja „Sorbisch? Na klar.“ je na stronu www.sorbisch-na-klar.de mjeztym nimale 11 500 čitarjow přiwabiła. Wjace hač 9000 z nich namaka puć na stronu přez Facebook a Instagram. To wuchadźa z informacijow, kotrež poda poradźowar předewzaća pioneer communications tzwr Ronny Uhlemann mjez druhim na njedawnym schadźowanju Rady za naležnosće Serbow w Braniborskej.
