Trjebinska gmejna chce gremij komunalnych zajimow wopušćić

Trjebin (AK/SN). Gmejna Trjebin je přesłapjena wot Łužiskeho kruha (Lausitzrunde). Wona mjeztym rozmysluje gremij komunalnych zajimow wopušćić, kotryž­ zastupuje jako hłós Łužicy wjace hač milion wobydlerjow 20 wokrjesow, městow a komunow. „W decembru chcu k tomu naćisk wobzamknjenja gmejnskej radźe předpołožić“, je wjesnjanosta Waldemar Locke (CDU) minjeny tydźeń na posedźenju Trjebinskich radźićelow připowědźił.