Požadaja so wo titul UNESCO

Dienstag, 03. August 2021
Artikel bewerten
(0 Stimmen)

Architekturny ansambl Zhorjelca móhł so swětowe kulturne herbstwo stać

Zhorjelc (AK/SN). Město Zhorjelc chce so wo titul „Swětowe kulturne herbstwo UNESCO“ požadać. Jako město z něhdźe 4 000 pomnikami a 500lětnymi europskimi stawiznami ma na přestrjeń po cyłym Zwjazku najwjac pomnikow. To je fakt, z kotrymž chce Zhorjelc wuspěch žnjeć. Pod wodźacym hesłom „Zhorjelc: architekturny ansambl překupcow podłu Via regije“ namjezne město swoje požadanje zahaja.

Njedawno je město nad Nysu zhromadnje ze Zhorjelskimi zběrkami za stawizny a kulturu w galeriji Bratrowska 9 informaciski centrum wotewrěło. „Wažne je puć k titulej wo swětowe kulturne herbstwo na městnje pokazać. Proces je za Zhorjelčanow a hosći w našim na kulturne pomniki bohatym europskim měsće jara wu­znamny“, podšmórny wyši měšćanosta Octavian Ursu (CDU).

Veröffentlicht in Politika
Bitte anmelden, um einen Kommentar zu posten

Anzeige