Berlin (dpa/SN). Bywši prezident USA Donald Trump je po měnjenju šefa Mnichowskeje wěstotneje konferency Wolfganga Ischingera hłownje wina na tuchwilnym połoženju w Afghanistanje. „Wulki hrěch bě zrěčenje, kotrež su pod Donaldom Trumpom z talibanami wotzamknyli. Militantni islamisća su potom jenož hišće čakać trjebali, doniž njejsu wojacy USA kraj wopušćili“, rjekny Ischinger rozhłosownikam.
Laschet: Z talibanami rěčeć
Berlin (dpa/SN). Kanclerski kandidat CDU/CSU Armin Laschet je za diplomatiske rozmołwy z talibanami w Afghanistanje, zo móhło so wohroženym ludźom w kraju pomhać. „Wuměłstwo diplomatije je, z krajemi rozrisanje namakać, kotrychž zaměry a čłowjeski wobraz naša towaršnosć z prawom wotpokazuje“, rjekny Laschet nowinarjam. „So dialogej z talibanami spjećować, njeby ludźom, kotřiž chcedźa Afghanistan wopušćić, ničo pomhało.“
W Israelu šćěpja třeći króć