Wot pjatka popołdnja hač do njedźele wječora běše Sebnica za wobchad zawrjena, tola wokrjesne město bě na Dnju Saksow połne žiwjenja.

Sebnica (SH/SN/BŠe). Najwjetši ludowy swjedźeń Sakskeje wotmě so lětsa w přitulnym městačku Sebnicy, hdźež dožiwi Dźeń Saksow nětko swój 30. jubilej. Z teje přičiny bě jubilejna brošurka z pokazkami wšitkich dotalnych swjedźenjow wušła. Sobotu dopołdnja je so kuratorij Dnja Saksow w Ulbersdorfje schadźował. Předsyda Domowiny Dawid Statnik měješe tam składnosć, dźěławosć třěšneho zwjazka předstajić. Rejowarjo Wudworskeho ansambla čłonow kuratorija ze swojim wustupom zahorichu.