Hannover (dpa/SN). Zwjazkowy kancler Friedrich Merz (CDU) chce „prawje bórze“ narodnu wěstotnu radu za poradźowanja nastupajo tuchwilnu krizu energije zwołać. Tole zdźěli předsyda strony CDU wčera, njedźelu, na wotewrjenju Hannoverskich wikow. „Naš zaměr při tym je jasny: Němske hospodarstwo a wobydlerjo měli so na to spušćić směć, zo je zastaranje z centralnymi tworami kaž dieselom, bencinom a kerozinom zawěsćene“, wón rjekny.

Druhe zetkanje wotpokazuja

Teheran (dpa/SN). Wjednistwo Irana po informacijach statneje powěsćernje Irna druhe zetkanje ze zastupjerjemi USA wotpokazuje. Jako přičinu mjenowachu wčera wječor přehnate žadanja USA, stajnu měnu kursa USA a trajacu blokadu iranskich přistawow ze stron US-Američanow. US-prezident Donald Trump bě do toho připowědźił, zo delegaciju za jednanja do pakistanskeje stolicy Islamabad pósćele.

Kóšty raznje stupaja