Europske zwjazki FIFA plan hižo njepodpěruja

Zürich (dpa/SN). W swojich prócowanjach wo zastojnstwo jako prezident swětoweho koparskeho zwjazka FIFA je Gianni Infantino wospjet poražku dožiwił. Wjacore europske koparske zwjazki su oficialnje swoju podpěru za jeho kandidaturu klětu w měrcu cofnyli. Jendźelski koparski zwjazk kaž tež zwjazkaj Waliziskeje a Serbiskeje su tutón krok wobkrućili, z dalšich narodow maja podobne wozjewjenja sćěhować. „W tuchwilnej situaciji trjebamy nowu dowěru, nowe puće a nowy nawod, kiž přisporjeja dialog, jednotu a dowěru mjez mjezynarodnymi koparskimi institucijemi“, serbiscy zamołwići pisaja.