Waršawa (dpa/SN). Po swojim rozpačenju je strona pólskeje opozicije PiS něhdyšeho premierministra Mateusza Morawieckeho a dalšich 38 zapósłancow a dweju senatorow wuzamknyła. Tole bě interne disciplinarne sudnistwo rozsudźiło. PiS bě kónc julija rozpadnyła, jako běštaj so załožer strony Jaroslaw Kaczynski a Morawiecki zwadźiłoj. Morawiecki bě tehdy stronskointernu skupinu „Rozwój Plus“ załožił. Teje dla běchu delinkwentow nětko wuzamknyli.
Kraha chcedźa zajeć
Kamjenica (dpa/SN). Hamtske sudnistwo w Kamjenicy je wukazało, zapósłanca zwjazkoweho sejma Maximiliana Kraha zajeć. Tuchwilu hišće pruwuja, hač dyrbja za to imunitu Kraha zběhnyć. Chłostanski wusud je sćěh prawniskeje zwady mjez Krahom a satirikarjom Janom Böhmermannom. Tomu bě Krah spytał wuprajenje w podcasće zakazać, z čimž pak bě zwrěšćił.
Kuba na Castra spominała
