Berlin (dpa/SN). W zwisku z diskusiju wo změnje zakładneho zakonja na dobro lěpšeho škita přećiwo horcoće je institut YouGov w nadawku powěsćernje dpa reprezentatiwne naprašowanje přewjedł. Z dohromady něhdźe 2 000 naprašowanych stej so dwě třećinje za tajku změnu wuprajiłoj. Po tuchwilnym prawje maja předewšěm komuny zamołwitosć za škitne naprawy pře horcotu. Změna móhła zamołwitosć rozšerjeć a na zwjazkowej runinje zakótwjeć.

Renaturěrowanje wuspěšne

Berlin (SN). Na wčerawšim předstajenju lětneje rozprawy 2025 je prezident Němskeho přirodoškitneho zwjazka NABU Jörg-Andreas Krüger na wuspěchi při renaturěrowanju rěkow a bahnow skedźbnił. W tutym wobłuku so zwjazk hižo 20 lět dołho angažuje. „W tutymaj biotopomaj nadeńdźeš dźensa zaso rědke ptački, rostliny a insekty“, Krüger podšmórny. Jako přikład mjenowaše wón wožiwjenje Ahlen-Falkenbergskeho bahna w Nižo­sakskej.

Podlěši namjezne kontrole