Lipsk (dpa/SN). Něhdźe 60 milionow eurow dóstanje město Lipsk za wutwar swojeho Sportoweho foruma. Wotpowědne spěchowanske zrěčenje staj wyši měšćanosta Burkhard Jung (SPD) a sakski ministerski prezident Michael Kretschmer (CDU) wčera podpisałoj. Areal blisko stadiona Red Bull Arena chcedźa zamołwići na centralne stejnišćo za wukonowy sport kaž tež na městnosć wulkich narodnych a mjezynarodnych sportowych zarjadowanjow dale wuwić.
Wjace njewobdźěłanych padow
Drježdźany (dpa/SN). Na sakskich statnych rěčnistwach kopja so pady wotewrjenych sudniskich jednanjow. Rešerša Němskeje sudniskeje nowiny wujewi, zo je jich lětsa něhdźe 47 200 tajkich. To je 1 200 padow wjace hač loni. Wyša ličba njewotzamknjenych jednanjow w Sakskej wotpowěduje powšitkownemu wuwiću w Němskej. W Zwjazku wočakuja dohromady 1,1 milion wotewrjenych jednanjow, to je nowy negatiwny rekord.
Trump zawrěje Kennedy Center
