Lutowanske naprawy statneho knježerstwa so tež na region wuskutkuja
Drježdźany/Budyšin (SN/MG/mb). Sakski krajny sejm wuradźuje tuchwilu wo dwójnym etaće za lěće 2027 a 2028.
Franziska Schubert, předsydka a rěčnica za financnu politiku frakcije Zelenych w krajnym sejmje, je dawno zwurazniła, zo Zeleni dotalnemu naćiskej mjeńšinoweho knježerstwa CDU a SPD přihłosować njebudu: Łužiska politikarka parowaše impulsy za dobre kubłanje, perspektiwu za hospodarstwo a žiwjensku kwalitu w metropolach a wjesnych kónčinach. „Etat połny lutowanskich naprawow, kiž tute prašenja wuspinkuje, by daloko sahace a zdźěla irewersibelne sćěhi za Saksku měł.“ Jeje měnjenje je wažne, wšako su Zeleni a Lěwica naćiskej koalicije, wězo z wujednanymi změnami, před lětomaj k wjetšinje dopomhali.
