Wolfsburg (dpa/SN). Přistajenym koncerna VW pječa w přichodźe hižo žane wyše mzdy płaćić njebudu. Tole wozjewja IG metal na swojej internetnej stronje. Wjednistwo koncerna z wjace hač 660 000 přistajenymi po cyłym swěće nochce mzdy hač do lěta 2030 hižo zwyšić. Koncern VW mzdy potajkim při­chodnej inflaciji a zwyšenjam tarifa njepřiměri. IG metal tole wótrje kritizuje. Zo mzdy přichodne lěta njezwyša, je hižo wot spočatka oktobra jasne.

Sta młodostnych zajeli

Mailand (dpa/SN). W italskim Mailandźe su młodostni druhi dźeń za sobu namócnje demonstrowali. Přewažnje čornje zwoblěkane a zababjene wosoby skóncowachu kołowokoło Naměsta katedrale wu­kładne wokna, wurubichu wobchody a kupnicy. Tole zdźěli italska powěsćernja Ansa. Policija bě demonstrantow ze sylzowym płunom a wodomjetakami wot­wobarała. Znajmjeńša 160 ludźi su zajeli, z nich bě 80 procentow małolětnych.

W industriji mjenje dźěłaćerjow