Vatikan (B/SN). Z dokumentom „Puć nadźije“ je bamž Leo XIV. wažny měznik w křesćansko-židowskim poćahu stajił. Jeho wuwjedźenja k židowstwu markěruja dalewuwiće nabožno-stawizniskich a teologiskich zakładnych wuprajenjow Vatikana, wosebje konciloweho dokumenta Nostra aetate z lěta 1965. Tehdy definowany poměr katolskeje cyrkwje k židowstwu a k swětowym nabožinam je bamž nětko aktualizował, prajo: „Ze židom Jězusom smy my křesćenjo přewzali zakłady židowstwa a smy je nowej situaciji přiměrili.“
Antisemitizm wuzamknyć
Berlin (B/SN). Nawodni zastupjerjo nabožinow, rabiner Andreas Nachama, arcybiskop Heiner Koch a ewangelski biskop Christian Stäblein, žadaja sej w nowinje Handelsblatt składnostnje róčnicy nadpada Hamas na Israel wuznaće ke škitej žiwjenja židow. „Napominamy wšitke strony, so wo zakonske zapisanje boja přećiwo antisemitizmej w Berlinskej krajnej wustawje postarać.“ Tež Němska biskopska konferenca zasudźa wojersku reakciju Israela na teritoriju Gazy, hdźež je 70 000 ludźi zahinyło.
Ličby a fakty
