Tel Aviv (dpa/SN). W Israelu su so wólby noweho parlamenta zahajili. Wuslědk wólbow móhł politiske a towaršnostne wusměrjenje kraja wjacore lěta postajować a so tohorunja na konflikty w Bliskim wuchodźe wuskutkować. Něhdźe 7,3 miliony hłosakmanych su namołwjene, swój hłós za kandidatow parlamenta Knesset wotedać. Tam maja dohromady 120 sydłow. Wukónc wólbow rozsudźi tež wo politiskim přichodźe nětčišeho ministerskeho prezidenta Benjamina Netanjahuwa.

Koncentracija CO2 stupała

Genf (dpa/SN). Koncentracija wuhlikoweho dioksyda (CO2) w atmosferje je minjene­ lěto nowy rekord docpěła. Swětowa wjedrowa organizacija (WMO) w swojim lětnym bulletinje wo emisijach zdźěla, zo je koncentracija w lěće 2025 na 426,8 ppm (parts per milion – dźělčki na milion dźělčkow) stupała. Z tym je koncentracija CO2 wot 2024 do 2025 wo 2,8 ppm stupała. Dohromady je dźensa 153 procentow wjace CO2 w atmosferje hač na spočatku doby industrializacije w lěće 1750.

Ebola so rozpřestrěwa