Widźał, słyšał, napisał (08.06.20)
,,Štóž z was je bjez winy (hrěcha), njech ćisnje prěni kamjeń ...“ Tele wuprajenje z biblije drje kóždy znaje, ale najmjenje na sebje samoho poćahuje. A w zwisku ze sportom cyle wěsće docyła nic. Na zbožo w našich regionach kamjenjowanje zasudźeneho/zasudźeneje njeznajemy, w někotrych krajach pak je dźensa hišće nałožuja. Smy tuž wo wjele lěpši, dokelž kamjenjowanje zasudźamy a njepraktikujemy? Ně, nažel nic! Smy namakali nowu formu kamjenjowanja, wotměwacu so w medijach, a to z jara wulkim wotmachom tež na polu sporta. Tuchwilu sobu najznaćiši wopor je Ralf Minge, kotremuž wumjetuja, zo je z pjenjezami wopak wobchadźał, njewudawajo za nakup nowych koparjow Dynama Drježdźany. Zabyli su někotři jeho zasłužby, jako wjedźeše přez lěta towarstwo z čerwjenych ličbow do solidneho dźensnišeho stawa. Sym wćipny, kak so wšitko wuwije, kak fanojo reaguja, kak mustwo reaguje, jeli to docyła smě.
Sport (05.06.20)
Koła po wodźe wjerćeć
Wodosport na Brězowskim jězoru je tež w běhu tohole kónca tydźenja móžny. Tak mjenowane sloty-jězby po wodźe pak dyrbiće do toho w interneće knihować a sej tam tež dokładnje wšitke hygieniske naprawy přečitać. Planowane sloty za sobotu a njedźelu:
06.06. 12 – 14 hodź.
(wot 12 do 13 hodź. pojědźe powjaznica z pomjeńšenej spěšnosću)
06.06. 13 – 15 hodź.
06.06. 15.15 – 17.15 hodź.
06.06. 17.30 – 19.30 hodź.
06.06. 19.30 – 20.30 hodź.
(bonusowy slot za wšěch tych, kotřiž su tón dźeń hižo slot knihowali)
07.06. 12 – 14 hodź.
(wot 12 do 13 hodź. pojědźe powjaznica z pomjeńšenej spěšnosću)
07.06. 13 – 15 hodź.
07.06. 15.15 – 17.15 hodź.
07.06. 17.30 – 19.30 hodź.
07.06. 19.30 – 20.30 hodź.
(bonusowy slot za wšěch tych, kotřiž su tón dźeń hižo slot knihowali)
Wobaj dnjej poskićeja na wodoskijowej připrawje Wake and Beach tež imbis.
Liški předawaja smykače atd.
Nowe móžnosće so pohibować
Kaž su nowe rumnosće a moderna technika parlički noweho Němsko-serbskeho šulskeho kompleksa w Slepom, budźe to za wuknjacych bórze tež šulski dwór, kotryž nětko porjeńšeja. Ze stareje Slepjanskeje šule su blidotenisowe blida a móžnosće za sedźenje na nowy dwór přestajili. Tak tež dworowy trampolin, při kotrymž pak hišće wěstotne maty na bokach faluja, tak zo jón šulerjo hišće wužiwać njesmědźa. Maty su pak hižo skazane a budu bórze zatwarjene.
Jako wulki magnet wopokazuje so nimo blidotenisowych blidow nowy koš za basketbul. Wosebje hólcy staršich lětnikow so w přestawkach pod nim rady wubědźuja. Na nowym polu sportnišća rosće trawa za pjasćobul. Tutón sport ma w Slepom wjelelětnu tradiciju. Tajke polo njesmě tuž nimo noweho trawnika za kopańcu na teritoriju Němsko-serbskeho šulskeho kompleksa pobrachować.
Šulerjo so nad nowymi móžnosćemi hibanja w přestawkach wjesela. A runje tak su wučerjo jara spokojom, zo šulerjo poskićene móžnosće tak derje wužiwaja a so rady hibaja. Marcel Rjelka
Wuslědki (04.06.20)
wokrjesna klasa, stafla 1
1. ST Klětno/Hamor 11 57 : 13 33
2. Módro-běli Kromola 12 35 : 26 25
3. LSV 1951 Sprjewje 12 40 : 18 23
4. HZ Mikow 11 29 : 18 20
5. HZ Wocl Rěčicy-Jězor 11 32 : 24 19
6. ST Lok Slepo II 12 32 : 26 18
7. SV Uhsmannsdorf 12 23 : 25 17
8. VfB Běła Woda 1909 III 12 27 : 41 11
9. Módro-běli Lodenau 12 25 : 39 10
10. HZ ST Fortuna Trjebin 12 11 : 44 8
11. HZ Rózbork 11 13 : 28 6
12. SV Skerbersdorf 48 12 9 : 31 6
wokrjesna klasa, stafla 2
1. SV Zodel 68 11 33 : 3 33
2. SV Schönau-Berzdorf 11 43 : 23 23
3. Arnsdorf-Hilbersdorf 12 23 : 13 23
4. Zeleno-běli Gersdorf 11 44 : 14 22
5. FSV Kemnitz II 10 40 : 19 19
6. SV Meuselwitz 10 31 : 25 16
7. Großschweidn.-Lubij II 10 29 : 25 14
8. HZ Lautitz 96 11 20 : 31 9
9. TSV Herwigsdorf 1891 12 23 : 33 4
10. HZ Rychbach 10 22 : 57 3
11. Póst Zhorjelc 10 9 : 59 3
wokrjesna klasa, stafla 3
1. TSG Hainewalde 10 47 : 10 26
2. TSV 1890 Ruppersdorf 10 40 : 10 25
3. HZ Ochranow 11 40 : 20 23
4. SV Bertsdorf II 10 38 : 27 19
5. SV Mittelherwigsdorf 11 30 : 33 16
6. HZ Habrachćicy 10 42 : 25 13
7. SG Oberseifersdorf 10 28 : 27 13
8. FV Olbersdorf II 11 25 : 45 9
9. Bernstadt/Dittersbach 10 18 : 38 9
10. HZ Spitzkunnersdorf 10 16 : 43 9
11. HZ TSV Großschönau 11 7 : 53 1
młodźina A, wokrjesna liga Lorenz Nuss
1. HZ SV Bertsdorf 10 36 : 8 27
2. Großschweidnitz-Lubij 9 33 : 11 21
3. NFV Žołto-běli Zhorjelc 9 30 : 28 13
4. HZ SV Ludwigsdorf 48 10 16 : 26 9
5. HZ LSV Friedersdorf 8 18 : 23 8
6. HZ TSV Ruppersdorf 10 24 : 32 8
7. HZ Wocl Rěčicy-Jězor 10 12 : 41 8
młodźina B, wokrjesna liga Lorenz Nuss
1. HZ KT Olbersdorf 13 93 : 12 37
2. HZ Holtendorf 11 50 : 12 29
3. HZ Mužakow 12 59 : 14 25
4. SV Deutsch Ossig 12 48 : 22 25
5. Bernstadt/Dittersbach 12 55 : 34 25
6. HZ TSV Kunnersdorf 13 52 : 32 22
7. HZ FSV Wódrjeńca 02 12 48 : 24 20
8. HZ ST Hbjelsk 1923 12 29 : 33 16
ST Marijina hwězda ma wjacore wotchady
Po wotchadźe Fabiana Hejduški k Sportowej jednotce 1981 Chrósćicy a Dawida Šołty k Sokołej Ralbicy/Hórki je prěnje koparske mustwo ST Marijineje hwězdy dalšich třoch zasłužbnych a jara nazhonitych hrajerjow zhubiło. Wšitcy třo su swoju karjeru wšelakich přičin dla zakónčili, kaž woni towarstwu njedawno zdźělichu. Su to w Hornjej Łužicy derje znaći koparjo Křesćan Bělk, Tobias Škoda a Jeffrey Rab. Za kopańcu w Pančicach-Kukowje budźe to wězo kruty zarěz. Snano trójka znajmjeńša hišće w rjadach starych knjezow kopački dale šnóruje abo tež w tej abo tamnej hrě druheho mustwa wupomha.
Tobias Nowak, nawoda prěnjeho koparskeho mustwa Sportoweho towarstwa Marijina hwězda, koparski puć mjenowaneje trójki tule předstaja.
Křesćan Bělk
Na jubilejnym turněrje w Pěskecach staru gardu Dynamowcow witać ...
Swjatki póndźelu njejsu wěriwi do Róžanta putnikowali a lubowarjo kopańcy tež nic do Pěskec. Tam bychu lětsa poprawom wosebity jubilej swjećili, kotryž pak dyrbjachu koronapandemije dla wotprajić, byrnjež tam tójšto planowane měli. Jurij Bjeńš je so čłona Sportoweho towarstwa Pěskecy Fabiana Korjeńka prašał, što běchu sej za 40. jubilejny turněr wumyslili.
Fabiano, swjatkowna póndźela bjez koparskeho turněra w Pěskecach je ...
F. Korjeńk: ... jara zrudna swjatkowna póndźela. Mějachmy tajke rjane plany, nic jeno za póndźelu, ale tež za tamne dny.
Powědaj!
F. Korjeńk: Štož sportowy wobłuk nastupa, byštej njedźela a póndźela absolutnej historiskej dnjej byłoj. Na njedźelnym dźěćacym swjedźenju bychmy staru gardu Dynama Drježdźany witali, kotraž by přećiwo serbskej wubrance starych knjezow hrała. A póndźelu by 40. jubilejny turněr wokolnych wsow był! Škoda, ale smy wšak zahe dosć wo tym wědźeli, a tohodla njejsmy tuž lětsa docyła žane přeprošenja mustwam pósłali.
Sami sće zawěsće najbóle napjeći na turněr byli, abo?
Sokoł Ralbicy/Hórki nětko bjez kehelerjow
Pola Sokoła Ralbicy/Hórkow steji kopańca cyle jasnje na prěnim městnje. Delanske towarstwo pak ma tež hišće dalše sekcije: gymnastisku skupinu, wolejbulowy cyłk a kehelerjow. Kehele powaleć pak w towarstwje nětko wjac njebudu. Za přičinami je so Jurij Bjeńš kapitana delanskich kehelerjow Jurja Šimana prašał.
Knježe Šimano, štóž Was znaje, tón zwjazuje z Wami zawěsće přeco dwě wosebitosći. Sće profesionelny plahowar nukli a swěrna duša kehelerjow Sokoła Ralbicy/Hórki. Naposledk mjenowany hobby pak nětko wjac ze sokołskim emblemom wukonjeć njebudźeće. Čehodla?
J. Šiman: Haj, cyle prawje. Pjatk, 29. meje, smy tule sekciju rozpušćili. Minjene lěta smy přeco zaso za hrajerjemi pytali, ale njejsmy nikoho tak prawje přeswědčić móhli. Nimo toho je tójšto kehelerjow najwšelakorišich přičin dla přestało. Nětko so wjac njewudani, nas zbywacych třoch dla cyłu sekciju pola Sokoła Ralbicy/Hórkow zdźeržeć. Nimo toho trjebaš tak a tak znajmjeńša štyrjoch hrajerjow.
Kelko lět sće nětko za Sokoł kule kulał?
Jubilejny koparski turněr klětu
Widźał, słyšał, napisał (02.06.20)
Jako minjeny tydźeń pola přećela na zahrodźe kołbaski pražachmy a sej načolnu hru zwjazkoweje ligi mjez Dortmundom a Mnichowom wobhladachmy, běše nimale wšo perfektne: Słónčko rjenje swěćeše, kołbaska bě jara słódna a bjesada lóštna. Štož pak w telewizoru běžeše, bě zrudne. Z mojeho wida je wopačne mustwo dobyło. Dokelž přihladowarjo w stadionach njejsu, wupadaše wšo bóle za testowej hač za dypkowej hru. Njemějach w druhim połčasu scyła wjac přewulki lóšt, partiju dale sćěhować. Tež čorno-žołte derbyjowe dobyće 4:0 přećiwo módro-běłym susodam z Gelsenkirchena srjedź meje njeje mje wulce zwjeseliło. Bjez fanow nima za mnje lětuša sezona tajku hódnotu kaž hewak. Statistiki drje njełža a měnja, zo su hry podobnje intensiwne a spěšne kaž do korony. Dwubojow je po zdaću samo wjac a wuslědki su zdźěla tež jara překwapjace. Najebać to pak njemóžu so prosće z tučasnej kopańcu spřećelić, dokelž njewuwiwaja so we mni začuća, kajkež bych z realnymi přihladowarjemi w stadionje měł.
Wuslědki (02.06.20)
Kónc sezony tež w koparskim zwjazku Hornja Łužica
Hrajna doba 2019/2020 je tež w koparskim zwjazku Hornja Łužica zakónčena. Wozjewimy tuž z tutoho wokrjesneho zwjazka dźensa a w běhu přichodnych dnjow zakónčace tabulki.
wokrjesna wyša liga
1. VfB Žitawa 14 38 : 7 38
2. GFC Rauschwalde 14 32 : 17 31
3. SV Neueibau 14 41 : 15 25
4. FSV Kemnitz 13 27 : 18 23
5. ST Lok Slepo 14 27 : 20 20
6. Přezjednota Niska II 14 28 : 31 20
7. Großschweidnitz-Lubij 14 22 : 33 20
8. SG Obercunnersdorf 13 32 : 28 16
9. Holtendorfske ST 13 24 : 34 14
10. LSV Friedersdorf 13 30 : 46 14
11. NFV Žołto-běli Zhorjelc 13 20 : 24 11
12. ST Hbjelsk 1923 13 23 : 32 10
13. Bertsdorfske ST 14 22 : 35 10
14. Olbersdorf 14 25 : 51 9
wokrjesna liga, stafla 1
1. ST Natwar Kodersdorf 14 66 : 13 39
2. ST Rózbork 13 41 : 17 32
3. Čerwj.-běli Mužakow 13 47 : 19 29
4. HZ Germania Zhorjelc 14 41 : 21 28
5. ASSV Horka 14 44 : 26 25
6. Trebuser SV 1960 12 42 : 17 24
7. VfB Běła Woda 1909 II 14 39 : 19 24
8. ST 48 Reichwalde 14 26 : 37 12
9. SZ Krjeba-Nowa Wjes 13 20 : 58 12
10. ST Deutsch Ossig 14 18 : 58 11
11. ST 90 Němske Jenkecy 13 14 : 26 10
12. ST Wujězd 14 15 : 50 10
13. HZ Hbjelsk 1923 12 21 : 44 7
14. ST Holtendorf II 14 22 : 51 6
wokrjesna liga, stafla 2
1. HZ Nowosólc-Hródk 13 64 : 14 35
2. HZ FSV Wopaka 13 59 : 17 35
3. TSV Großschönau 14 36 : 18 28
4. SV Neueibau II 14 34 : 21 22
5. TSG Lawalde 13 33 : 31 21
6. ST Rychbach 14 26 : 24 21
7. FSV Wódrjeńca 02 II 14 35 : 32 18
8. Bernstadt/Dittersbach 13 28 : 31 16
9. TSV Spitzkunnersdorf 14 22 : 34 15
10. HZ ESV Lok Žitawa 14 18 : 31 14
11. HZ ISG Hagenwerder 14 21 : 38 14
12. Schönbachske KT 14 16 : 54 10
13. ST Horken Ketlicy 14 16 : 32 9
14. Wostrowske BC 14 12 : 43 7
