Sokoljo faworitej jasnje podleželi
Biskopičanske KT II – Sokoł Ralbicy/Hórki 3:0 (1:0)
Zestawa hosći: Ch. Gloxyn – Matka, Schultz, Šewc, T. Wałda – D. Gloxyn, Rawš, B. Bejma, Rachela (72. Kunze) – Nuk (56. P. Šołta), Domaška
Po bojowniskim dobyću derbyja přećiwo Radworjej chcychu Sokoljo tónraz faworita z Biskopic mjerzać. Tón je mjenujcy najwjetši kandidat na dobyće mišterstwa. Zo to lochko njebudźe, běše kóždemu jasne, wšako tež hišće wažni hrajerjo kaž Aleksander Wałda (dowol) abo Dawid Šołta (5. žołta karta) trenarjej Tomašej Henčlej pobrachowachu. Za to pak běštaj na přikład zaso Michał Matka a Paul Rachela po chłostanju čerwjeneje karty dla zaso pódla.
Na zazběhu druheje połserije přěhrali
ST Lubuš – SJ Chrósćicy II 3:0 (2:0)
Zestawa hosći: Škoda – Sćapan (46. Wenzel), M. Donat, Zynda, Mark (80. Čornak), Wornar, Kreuz, B. Donat, J. Donat, Matik, Liznar (80. Dźisławk)
Na zazběhu druheje połojcy hrajneje doby 2022/2024 wokrjesneje ligi poda so rezerwa Chróšćanskich koparjow do Lubuša. Domjacy běchu faworit, wšako steja w tabulce někotre městna nad Chróšćanami.
Dominuje načolnu hru
Kamjeničanski FC – FC Energija Choćebuz 0:2 (0:1)
Zestawa hosći: Bethke – Badu, Slamar, Hildebrandt, Hasse, Eisenhuth, Wähling (81. Heike), Hofmann, Oesterhelweg (81. Kujović), Shcherbakovski (56. Abu-Alfa), Hottmann
Slěd wrotow: 0:1 Hottmann (10.), 0:2 Hottmann (66.)
Wuslědki (06.03.23)
Kopańca, regionalna liga muži
Kamjenica – Energija Choćebuz 0:2 (0:1)
Hertha BSC II – BFC Dynamo 1:3 (0:2)
Babelsberg – Borussia Berlin 0:0 (0:0)
Viktoria 1889 Berlin – Greifswald 2:1 (1:0)
Lichtenberg 47 – Luckenwalde 1:1 (0:1)
Carl Zeiss Jena – Erfurt 2:2 (0:0)
Lok Lipsk – Germ. Halberstadt 1:0 (0:0)
Meuselwitz – VSG Altglienicke 0:2 (0:0)
Berlinski AK – BSG Chemija Lipsk wupad
1. FC Energija Choćebuz 23 49 : 20 46
2. FC Čerwjeno-běli Erfurt 22 48 : 21 45
3. VSG Altglienicke 22 48 : 23 42
4. FC Carl Zeiss Jena 23 36 : 15 41
5. Lok Lipsk 22 41 : 30 40
6. Kamjeničanski FC 23 36 : 22 39
7. BFC Dynamo 23 34 : 28 37
8. BSG Chemija Lipsk 22 34 : 30 36
9. Berlinski AK 22 31 : 26 33
10. FC Viktoria 1889 Berlin 23 31 : 30 33
11. SV Babelsberg 22 31 : 30 30
12. Hertha BSC II 23 35 : 44 28
13. Greifswaldski KK 23 31 : 31 27
14. FSV 63 Luckenwalde 22 24 : 33 24
15. ZFC Meuselwitz 23 29 : 46 22
16. SV Lichtenberg 47 23 21 : 48 17
17. Germania Halberstadt 23 19 : 52 11
18. Tennis Borussia Berlin 22 15 : 64 9
regionalna liga žonow
1. FC Viktoria 1889 Berlin 15 97 : 11 42
2. Türkiyemspor Berlin 15 53 : 8 37
3. 1. FC Union Berlin 16 61 : 17 35
4. RB Lipsk II 15 34 : 9 30
5. Magdeburgski FFC 15 35 : 27 27
6. FC Carl Zeiss Jena II 16 32 : 25 26
7. Biskopičanske KT 08 15 30 : 24 21
8. 1. FFV Erfurt 14 23 : 38 21
9. FSV Babelsberg 74 16 18 : 39 18
10. Hertha 03 Zehlendorf 16 19 : 46 16
11. B.W. Hohen Neuendorf 16 24 : 54 12
12. SFC Stern 1900 15 12 : 33 11
13. Přezjednota Lipsk-juh 14 11 : 45 6
14. Rostockski FC 16 9 : 82 1
wyša liga mužow
Sandersdorf – Nordhausen 2:0 (1:0)
FC Eilenburg – FC Grimma 2:0 (0:0)
Ludwigsfelde – Wernigerode 3:0 (2:0)
Zorbau – Jednota Rudolstadt 3:2 (1:1)
Plauen – Biskopičanske KT 08 4:2 (1:0)
Dobry start za přichodnu koparsku wubranku žonow
W němsko-danskim pomjeznym kraju blisko Flensburga přewjedźe so wot 28. junija do 7. julija 2024 zaso Europeada. Po premjerje w lěće 2016 w Južnym Tirolu w Italskej chce so serbska koparska wubranka žonow (skwž) tež klětu na koparskich europskich mišterstwach awtochtonych narodnych mjeńšin wobdźělić. Zo by so mustwo zesylniło a zaso znowa zestajało, bě so sobotu prěni zazběhowy trening respektiwnje turněr w Ralbičanskej sportowni přewjedł. Dohromady 16 holcow a žonow w starobje mjez 13 a 40 lět je přeprošenju sćěhowało a so na treningu wobdźěliło. Hłowny trenar Pětr Bejmak holcy a žony powita a předstaji na započatku zamołwitych a organizatorow kadra. Bejmakej poboku budźe kotrenar Handrij Rachela z Noweje Wjeski, trenarka za wrotarki Jadwiga Richterowa z Worklec a mustwowa nawodnica Franciska Hellnerowa z Noweje Wjeski.
Widźał, słyšał, napisał (06.03.23)
Awtor dźensa
Toni Ryćer
Sport (03.03.23)
Dźensa w Słónkecach
Klóšterscy wolejbulisća hraja we wokrjesnej lize stafla wuchod dźensa wječor dwójce wo dypki. Třeći tabulki nastupi w sportowej hali w Słónkecach (Schlungwitz) najprjedy přećiwo druhemu a po tym přećiwo pjatemu. Worklečanki pojědu jutře do Zhorjelca a Worklečenjo změja jich posledni domjacy hrajny dźeń sezony.
03.03. 19:30 ST Hnašecy-Dobruša –
ST Marijina hwězda
03.03. 21:00 MSV Budyšin IV –
ST Marijina hwězda
04.03. 14:00 CVJM Zhorjelc II –
Viktoria Worklecy I (ž.)
04.03. 14:00 Viktoria Worklecy –
Póst Drježdźany (m.)
Wolejs Koblicy (m.)
Dalši serbski koparski derby
W hrajnych planach Zapadołužiskeho koparskeho zwjazka steji za njedźelu dalši serbski derby, a to we wokrjesnej lize stafla II. Cyłk ST Marijineje hwězdy wočakuje mustwo SJ Njebjelčicy. Hrać budźe so w Pančicach na twjerdym hrajnišću.
04.03. 14:00 VFC Plauen –
Biskopičanske KT
04.03. 14:00 SC Freital –
Budissa Budyšin
04.03. 15:00 Módro-běli Kulow –
HZ Łaz/Běły Chołmc
04.03. 15:00 Biskopičanske KT II –
Sokoł Ralbicy/Hórki
04.03. 15:00 ST Lubuš –
SJ Chrósćicy II
05.03. 14:00 ST Marijina hwězda –
SJ Njebjelčicy
05.03. 15:00 ST Radwor –
SG Großnaundorf
05.03. 15:00 SG Weixdorf –
SJ Chrósćicy
Třeći Bulang a Rose cup
Wobornicy w Delanach zaso sportowali
Po znatej přestawce bě so sobotu popołdnju w Ralbičan ćěłozwučowarni znowa wolejbulowy turněr delanskich wjesnych wohnjowych woborow přewjedł. Přeprosył bě wjesnjanosta gmejny Ralbicy-Róžant Hubert Ryćer (njestronjan), na městnje bě zastupjer wjesnjanosty René Wjacławk (njestronjan). Zarjadowar lětsa běše wohnjowa wobora Konjecy-Šunow.
Poprawom ličeše organizator Philipp Młynk z pjeć mustwami, tola na kóncu bě jich šěsć. W srjedźišću turněra steješe jasnje zhromadne wjeselo a zabawa na wólnočasnym niwowje. Ale wězo nochce tež nichtó přěhrać. Hry běchu hustodosć wurunane. Hraješe so kóždy přećiwo kóždemu, a to stajnje dwě sadźbje po wosom mjeńšinach. Faworit běše serijowy dobyćer ze Smjerdźaceje. Lětsa pak běchu tež Róžeńčenjo jara sylni. Tak wuda hrajny plan, zo wobě mustwje w poslednjej hrě turněra přećiwo sebi nastupištej. Róžant kaž tež Smjerdźaca měještej samsnu ličbu dypkow. Po dwěmaj sadźbomaj steješe tež njerozsudnje a tak rozsudźi tiebreak. Tam mějachu Smjerdźečenjo lěpše čuwy a kondiciju a jón jasnje za sebje rozsudźichu.
Wrota w poslednjej mjeńšinje
FC Energija Choćebuz –
Berlinski AK 2:1 (1:0)
Zestawa domjacych: Bethke – Badu (60. Böhmert), Eisenhuth, Slamar, Hasse, Kujović, Hofmann, Oesterhelweg (67. Shcherbakovski), Wähling, Thiele (87. Erlbeck), Abu-Alfa (67. Hottmann).
Z wulkim wjeselom běše 3 781 přihladowarjow jara dobry prěni połčas FC Energije dožiwiło. Přez spěšne kombinacije wšitkich mustwowych dźělow mějachu hosćo widźomnje wulku prócu sobu dźeržeć. Tak drje na puću hosćićelow do kabiny nichtó do toho njewěrješe, zo bychu w tutwj hrě hišće wulku dramatiku nazhonili. Tola jako bližachu so hosćo direktnje po znowazahwizdanju prěni raz wrotam FCE, klinkaše k překwapjenju wšitkich w klětce Eliasa Bethki.
Hórka poražka za Pančanow w sprjewinym měsće
Na spočatku małeho róžka podachu so wolejbulisća Marijineje hwězdy do Budyšina na swój štwórty hrajny dźeń. Z mustwom ze sewjera města kaž tež ze Šumbachskej šestku čakaštaj na klóšterskich přećiwnikaj z delnjeje połojcy tabulki. Tuž bě dwójne dobyće poprawom móžne.
ST Marijina hwězda –
SJ Budyšin sewjer 0:2 (23:25, 14:25)
Domjacy podachu so po dobyću prěnjeje hry přećiwo mužam ze Šumbacha połni elana na hrajnišćo. Pola Pančanskich hrajerjow pak falowaše wot spočatka sem prawy zapal. Tež hdyž pokazachu někotre rjane akcije při saku, njezamóchu prawe akcenty sadźeć. A přiwšěm pokaza so zaso lapidarnosć při nadaćach. Škoda, dokelž njebuchu ćežko wuwojowane dypki tak z móžnej seriju mytowane. Tak zawosta serbska šestka stajnje dwaj abo wjac ličakaj za domjacymi. Budyscy hrajerjo běchu tu klewerniši. Spóznajo, zo skakaja młodźi hrajerjo z Pančic při blokowanju pře wysoko, koncentrowachu so woni na nabiće bloka. A to wuběrnje fungowaše. Hrajerjo Marijineje hwězdy njezamóchu na to prawje reagować. Tuž wosta při snadnym předskoku a tak dobyću sadźby za Budyske mustwo.
