Widźał, słyšał, napisał (21.01.19)
Awtor dźensa
Stefan Šmit
Kajke běše to zaso dožiwjenje, jako so tydźenja swětowa elita w spěšnosněhakowanju wosrjedź Drježdźan wubědźowaše. Mjeztym druhi raz staj sportowaj redaktoraj René Kindermann a Torsten Püschel, wobaj z Drježdźan, tutón wulkotny event na nohi stajiłoj. Dohromady wubědźowachu so sobotu a njedźelu na nowej a porno lońšemu přeměnjenej a podlěšenej čarje sportowcy z 20 krajow. Škoda jeničce bě, zo je po zdaću hač na saksku stolicu tón kónc tydźenja wosebje w bliskej Sakskej Šwicy wjele sněha ležało. Tak ćehnješe so znowa wubědźowanska čara kaž běła smuha po krajinje při Łobju. A tola, wobrazy, kotrež su mjezynarodne telewizijne sćelaki wusyłali, běchu znowa přewšo spektakularne. Dohromady 3,3 miliony ludźi su jeničce sobotu sydom mjeńšin trajace zjeće dnja w ZDF sćěhowali. K tomu su chinski narodny sćelak kaž tež NBC a Eurosport wubědźowanja před swětoznatej barokowej kulisu Drježdźanskeho stareho města přenjesli.
Sport (18.01.19)
Testowe koparske hry
Za jutře su hnydom tři testowe koparske hry pod hołym njebjom planowane, a to w Drježdźanach, Kamjencu a Choćebuzu.
19.01. 11:00 Dyn. Drježdźany U 19 –
Budissa Budyšin
19.01. 11:00 Jednota Kamjenc –
Módro-běli Kulow
19.01. 14:00 FC Energija Choćebuz –
1. FC Magdeburg
Bulowa nóc w hali
Mustwo sportoweje jednotki Njebjelčicy nastupi dźensa na 16. nakładźe Buloweje nocy jako zakitowar titula. Wot 18.30 hodź. hraje na halowym koparskim turněrje Natwara Němske Pazlicy dwanaće cyłkow starobneje klasy Ü 35 w sportowni při Kamjenskim lětanišću. Nimo Njebjelčanow su to ST Bart, Statistika Němske Pazlicy, Natwar Němske Pazlicy (1. a 2. mustwo), Přećelski kruh DB, Zeleno-běli Hórki, ST Marijina hwězda, Jednota Kamjenc, ST Běła/Cunnersdorf, ST Hlinowc/Zeleno-běli Halštrow a Lok Kamjenc/Oldije Natwara. Naposledk mjenowane zastupnistwo je nowačk.
Młodźi dźiwi na cuzym parkeće
Sport (17.01.19)
Přewjedu wolejbulowy turněr
Wólnočasni wolejbulisća Žołto-módrych Kulow zarjaduja póndźelu, 4. februara, w Kulowskej sportowni wólnočasny wolejbulowy turněr z mjenom „Ptačokwasny turněr“ za šěsć prošenych mustwow. W 19 hodź. halu wotewru, hrać započnu poł hodźiny pozdźišo.
Hraja koparski tenis
Sportowy zwjazk wokrjesa Budyšin chce dwě sportowej družinje kombinować a turněr w koparskim tenisu přewjesć. Dwanaće přizjewjenych cyłkow budźe so na štyrjoch hrajnišćach wubědźować. To zdźěli zamołwity turněra Tomaš Henčl. Prěni raz přewjedu tajki koparski tenis w sportowej hali a nic na hrajnišću pod hołym njebjom. W sportowni na Budyskim Třělnišću nastupja tuž 15. februara wot 19 hodź. stajnje třo hrajerjo dźesać mjeńšin přećiwo sebi.
Započnu zaso kehelować
Kehelerjo Sokoła Ralbicy/Hórki přihotuja so na zbywace winowatostne dypkowe hry sezony 2018/2019. Srjedź februara nastupja we Wulkej Dubrawje, w měrcu dwójce na domjacych čarach w Rakecach a srjedź apryla w Běłym Chołmcu.
Dale pod čerwjenej latarnju
Wuslědki (17.01.19)
Tabulki koparskeho dorosta
młodźina C, wokrjesna liga-stafla I
1. Budissa Budyšin II 8 36 : 7 22
2. Póst Germania Budyšin 8 25 : 18 14
3. Wulka Dubrawa/Radwor 7 27 : 14 13
4. HZ Bukecy/Kubšicy 8 15 : 18 13
5. HZ Załom/Wopaka/
Wjernarjecy 7 13 : 9 12
6. TSV Połčnica 8 18 : 17 12
7. HZ Horni kraj Sprjewja/
Hnašecy-Dobruša 8 17 : 28 7
8. HZ Huska/Palow-Stachow 8 18 : 36 4
9. HZ Ramnow/Bretnig 8 15 : 37 3
młodźina C, wokrjesna liga-stafla II
1. TSV Połčnica 8 45 : 9 22
2. ST Kinspork/Łužnica 8 29 : 7 21
3. HZ Kamjenc/Biskopicy II 8 26 : 15 14
4. HZ Ćisk/Hory/
HZ Łaz/Běły Chołmc 8 23 : 20 13
5. HZ Ralbicy/Hórki/Kulow 8 16 : 13 12
6. Arnsdorfske KT 8 12 : 23 8
7. HZ Chrósćicy/Njebjelčicy 8 17 : 28 7
8. HZ Ottendorf-Okrilla/
Hermsdorfske KT 8 11 : 20 5
9. HZ Němske Pazlicy/
Běła/Cunnersdorf 8 11 : 55 1
młodźina C, wokrjesna liga-stafla III
1. HZ Njeswačidło/Rakecy 7 42 : 8 17
2. TSV Wachau II 7 28 : 10 15
3. TSV Wjazońca 7 42 : 17 13
4. HZ Großnaund./Lomnitz 7 26 : 17 12
5. HZ Łužica 7 26 : 18 11
6. ST Bart 7 23 : 25 9
7. HZ Hlinowc/Halštrow 7 18 : 47 3
8. TSV Wóspork/Hrodźišćo 7 10 : 73 0
młodźina D, wokrjesna wyša liga
1. TSV Połčnica 11 69 : 27 30
2. HZ Ottendorf-Okrilla/
Hermsdorfske KT 11 62 : 26 27
3. Budissa Budyšin II 10 59 : 35 19
4. Motor Kumwałd 11 32 : 25 19
5. ST Radwor II 11 60 : 36 17
6. ST Kinspork/Łužnica 10 36 : 22 17
7. ST Jednota Kamjenc II 11 39 : 41 17
8. TSV Połčnica 11 54 : 52 13
9. Arnsdorfske KT 11 27 : 57 13
10. SC Großröhrsdorf II 11 33 : 38 12
11. Biskopičanske KT II 11 24 : 64 4
12. Rakečanske ST 11 13 : 85 1
młodźina D, wokrjesna liga-stafla I
„To wšitko mje a moje žiwjenje wobohaća!“
Beata Čórlichec so najebać přiběracu starobu lěto wot lěta na triatlonje Ironman polěpšała
Loni je so Beata Čórlichec, rodźena Němčanka, hižo štwórty króć za swětowe triatlonowe mišterstwa kwalifikowała. Jubilejny 40. Ironman pod tropiskimi temperaturami na kupje Hawaii w centralnym Pacifiku wotmě so srjedź oktobra. Beata Čórlichec je swój wosobinski cyłkowny čas porno lětu 2014 (11:30 hodź) stajnje dale wo dobru hodźinu polěpšała hač na lońši wurjadny wosobinski čas 10:27:37 hodź (płuwanje w 1:20:10 hodź / kolesowanje w 5:16:29 hodź / marathonowy běh w 3:51:10 hodź). Porno cyłkownemu časej 10:43 hodź w lěće 2017 je so tak hišće samo wo nimale dwaceći mjeńšin stopnjowała! Mjez 2 378 starterami, z tych bě 92 profijow, docpě wona cyłkowne 1 031. městno. W swojej wosebje sylnje wobsadźenej starobnej klasy 45-49 lět wobsadźi wurjadne 10. městno a na němskej runinje samo sedme. Z Němskeje je nimale 200 sportowcow, z nich sydom profijow startowało. Mjez 662 starterkami, kotrež tute ćežke wurisanje zmištrowachu, běše wona ze 129. městnom jara spokojom. Z nowym wosobinskim časom bě přewšo zbožowna.
FC Energija móže tež w třećej lize wobstać
Po chětro jasnym postupje FC Energije ze štwórteje do třećeje profijoweje koparskeje ligi Němskeje bě wšitkim jasne, zo čakaja na Choćebuskim koparjow wyše naroki. Špatneho połoženja financow dla pak njemóžachu so z wulkimi mjenami zesylnić.
Wobmyslenja so spěšnje zminychu, dokelž su hrajerjo FC Energije grandioznje do sezony startowali. Po přeswědčiwym 3:0 k zazběhej doma přećiwo Hansy z Rostocka slědowachu tři dypki we Wiesbadenje a dypk při remisu 2:2 doma přećiwo jara dobrym hosćom z Unterhachinga, a to po zastatku 0:2 Hižo sonjachu někotři wo dalšim postupje do druheje ligi.
Hinak trenar Claus-Dieter Wollitz, kiž prědowaše jim dale bój přećiwo zestupej, a 53lětny měješe prawje. Wšako prezentowachu přichodne duele jězbu dele a horje. Njetrjebawše dypki wotedachu Choćebuženjo w hrach přećiwo cyłkam z Meppena, Münstera a Halle. Na tamnym boku pokazachu pasabelny wukon pola 1860 Mnichowa a w Karlsruhe. Najlěpšej partiji pak poradźištej so hólcam wokoło kapitana Marca Steina při wonkownym dobyću 2:0 pola 1. FC Kaiserslauterna a krótko do hód pola FC Hansy Rostock.
Wuslědki (16.01.19)
Kopańca, 3. liga
Wiesbaden – Aalen2:1 (2:1)
Karlsruhe – Braunschweig 1:1 (0:1)
Würzburg – Osnabrück 1:2 (1:1)
Meppen – Přećeljo sporta Lotte 2:0 (2:0)
1860 Mnichow – Kaiserslautern 2:1 (0:0)
Preußen Münster – Köln 0:2 (0:1)
Halle – Zwickau2:0 (1:0)
Rostock – Choćebuz0:2 (0:1)
Unterhaching – Uerdingen 4:0 (3:0)
Sonnenhof Großaspach – Jena 0:0 (0:0)
1. VfL Osnabrück 20 30 : 15 41
2. Karlsruheski SC 20 34 : 20 39
3. KFC Uerdingen 05 20 26 : 23 37
4. Halleski FC 20 25 : 19 36
5. SpVgg Unterhaching 20 42 : 20 35
6. SV Wehen Wiesbaden 20 37 : 28 30
7. SC Preußen Münster 20 28 : 29 29
8. F.C. Hansa Rostock 20 27 : 30 27
9. TSV 1860 Mnichow 20 30 : 23 26
10. FSV Zwickau 20 25 : 23 25
11. 1. FC Kaiserslautern 20 23 : 30 25
12. FC Würzburger Kickers 20 28 : 25 24
13. Přećeljo sporta Lotte 20 20 : 25 23
14. FC Energija Choćebuz 20 25 : 31 23
15. SC Fortuna Köln 20 20 : 35 23
16. SV Meppen 20 26 : 30 22
17. SG Großaspach 20 16 : 20 21
18. FC Carl Zeiss Jena 20 27 : 37 21
19. VfR Aalen 20 24 : 32 17
20. Eintr. Braunschweig 20 21 : 39 14
Weixdorf piwowy cup dobył
Na tradicionalny piwowy cup běchu sej koparjo Módro-běłych Kulow dalše sydom mustwow přeprosyli. Škoda, zo bě cyłk Dub Rogeńc (pola Choćebuza) wotprajiło. Tuž stajichu Kulowčenjo dwě mustwje. Tež cyłk z Grodka daše dołho na so čakać. Tak rozsudźichu so zamołwići hry skupiny B doprědka sćahnyć. Hraješe so w dwěmaj staflomaj, w kotrymajž kwalifikowaštej so dobyćer a druhi za połfinale. Hrajny čas wučinješe stajnje dwanaće mjeńšin.
Ralbičenjo turněr přećiwo Kulowskej rezerwje zahajichu a z 2:1 dobychu. Tež druhu hru woni za sebje rozsudźichu, jako přećiwo Großröhrsdorfej z 2:0 dalše tři dypki žnějachu. Mustwo z Weixdorfa tohorunja wobě partiji doby, a tak běše jasne, zo cyłkaj do połfinala zaćehnjetej. Jenož pozicija běše njejasna. W poslednjej skupinskej hrě je Weixdorf Sokołow snadnje z 1:0 přewinył.
Koparki Langburkersdorfa wuspěšne na mišterstwach
Wokrjesne halowe mišterstwa žonow je Zapadołužiski koparski zwjazk w sportowni Kamjenskeho Lessingoweho gymnazija z wosom mustwami přewjedł.
Předkoło wuhrachu w dwěmaj skupinomaj, a přihladowarjo dožiwichu wjele rjanych hrow z tójšto wrotami. Prěnje połfinale doby pozdźiši mišter SSV Langburkersdorf přećiwo Hnašecam-Dobruši 1:0, druhe połfinale Liegau-Augustusbad přećiwo Hlinowcej.
Zaměstnjenske duele skónčichu so takle: hra wo 7. městno Zeleno-běłe Bukecy – TSV 1859 Wjernarjecy 0:1
hra wo 5. městno Wojerowski FC – ST Nadrózna Hrabowka 5:2
małe finale ST Hnašecy-Dobruša – Hlinowski SC 2:1
finale SSV Langburkersdorf – SV Liegau-Augustusbad 2:0. Werner Müller
Kónčna tabulka
1. SSV Langburkersdorf
2. SV Liegau-Augustusbad
3. ST Hnašecy-Dobruša
4. Hlinowski SC
5. Wojerowski FC
6. ST Nadrózna Hrabowka
7. TSV 1859 Wjernarjecy
8. Zeleno-běłe Bukecy
