Peter Čačko rozprawja z Bratislavy za Serbske Nowiny
Štyri njedźele dyrbješe Słowakska towaršnosć do dna přetřasowacej knježerstwowej krizu žiwa być – tak dołho kaž hišće nihdy za čas swojeje 25 lět trajaceje samostatnosće. Wuskutkowało bě wšak ju tež woprawdźite politiske zemjerženje njewšědneje sylnosće. Jónu bě zatřělenje zatajowane počinanja přepytowaceho nowinarja Jána Kuciaka a jeho slubjeneje Martiny Kušníroveje było mordarstwo raza, kajkehož stawizny Słowakskeje njepomnja. Dynamit bě pak k tomu wobstejnosć, zo je Kuciak na tym był wotkryć zwiski italskeje mafije z najwyšimi kruhami słowakskeho knježerstwa.
