Štož Češa njejsu, Polacy praktikuja

Mittwoch, 04. April 2018
Artikel bewerten
(0 Stimmen)

NJEWĚRJACA je wjetšina młodych ludźi w starobje 16 do 29 lět w dwanaće z 21 europskich krajow a k tomu Israela. „Načolnik“ při tym je Čěska, w kotrejž 91 procentow z nich do „žanoho Boha njewěri“. To wuchadźa z projekta European Social Survey, zdźěłaneho w lětomaj 2014 a 2016. Jeho wuslědki bě britiski The Guardian wozjewił, a z njeho je čěska nowina Mladá fronta dnes wotpowědne ličby přewzała. Wjele njewěriwych młodych ludźi maja tohorunja w Estiskej (81 procentow) a Šwedskej (76 proc.). Najpobožnišich ma Pólska, hdźež 83 procentow naprašowanych do Boha wěri. Hnydom za njej sćěhuje Litawska z podźělom 75 procentow wěriwych młodostnych. Najwjetši podźěl młodych ludźi, kotřiž do hinašeho hač křesćanskeho Boha wěrja, matej Francoska a Awstriska – we woběmaj krajomaj jědnaće procentow.

Veröffentlicht in Słowjanski wukraj
Bitte anmelden, um einen Kommentar zu posten

Anzeige