Najlěpši „přećel“ čłowjeka pos

Montag, 13. August 2018
Artikel bewerten
(0 Stimmen)

ZE ŠTYRINOHAČOW je Pražanam pos najwoblubowaniše zwěrjo. Kónc junija 2018 je w stolicy něšto wjac hač 85 000 „najlěpšich přećelow čłowjeka“ žiwych było, kaž přisłušny decernat magistrata města wozjewja. Z jeho informacijow dale­ wuchadźa, zo je dobra štwórćina psyčeje bobrije rasowje „měšaneho“ pochada. Woblubowane su tež Yorkshirske terriery, dakle a labradory. Mjena dawaja Praženjo swojim lubuškam zwjetša cuze. Tak je Ben wjace hač 2 000 razow zastupjeny. Dalše časćiše „narěčenja“ su Max, Betty, Riecky, Rex, Jessie. Bella a Meggie. Ale tež čěske psyče mjena njepobra­chu­ja. Tozárka, Bára, Sára abo Miša so najčasćišo jewja.

Loni je psyči dawk Praze nimale 43 milionow krónow (něhdźe 1,7 milionow eurow) wunjesł. Za jednoho psa w bydlenju wučinja dawk 1 500 krónow (dobrych 60 eurow), za druheho a kóždeho dalšeho 2 250 krónow (něhdźe 90 eurow). Mějićelam swójbnych chěžow w Praze 1 hač do Prahi 15 wobličeja za jednoho psa 600 krónow (24 eurow) a za kóždeho dalšeho štyrinohača 900 krónow (36 eurow) psyčeho dawka. W tamnych měšćanskich dźělach wučinja wón 300 respektwinje 500 krónow.

Veröffentlicht in Słowjanski wukraj
Bitte anmelden, um einen Kommentar zu posten

Anzeige