Rozsud hakle w druhim kole

Montag, 29. Juni 2020
Artikel bewerten
(0 Stimmen)
Amtěrowacy pólski prezident Andrzej Duda (nalěwo) je wčerawše prezidentske wólby z 41,8 procentami hłosow dobył. Jeho najwažniši kontrahent, Waršawski wyši měšćanosta Rafał Trzaskowski, nažnja 30,4 procenty. Tak dyrbitaj wobaj do rozsudneho wólbneho koła, kotrež wotměje so 12. julija.  Foto: dpa/Kacper Pempel, Aleksandra Szmigiel Amtěrowacy pólski prezident Andrzej Duda (nalěwo) je wčerawše prezidentske wólby z 41,8 procentami hłosow dobył. Jeho najwažniši kontrahent, Waršawski wyši měšćanosta Rafał Trzaskowski, nažnja 30,4 procenty. Tak dyrbitaj wobaj do rozsudneho wólbneho koła, kotrež wotměje so 12. julija. Foto: dpa/Kacper Pempel, Aleksandra Szmigiel

Žadyn z kandidatow za prezidenta Pólskeje absolutnu wjetšinu njedocpěł

Waršawa (dpa/SN). Polacy dyrbja nje­dźelu, 12. julija, w druhim wólbnym kole wo nowym prezidenće kraja rozsudźić. W prěnim njeje sej žadyn z kandidatow absolutnu wjetšinu zawěsćić móhł. Wot knježaceje narodnokonserwatiwneje strony Prawo a sprawnosć (PiS) podpěrany mějićel zastojnstwa Andrzej Duda je po dotalnych prognozach 41,8 procentow hłosow zdobył, jeho najwažniši kontrahent, Waršawski wyši měšćanosta Rafał Trzaskowski, 30,4 procenty. Tón bě za liberalno-konserwatiwnu opozicisku Wobydlersku koaliciju (KO) nastupił.

Wólbne wobdźělenje bě najebać koronakrizu jara wulke. Hač do wčerawšeho popołdnja bě po informacijach wólbneje komisije nimale 48 procentow wólbo­kmanych swój hłós wotedało. Na prezidentskich wólbach 2015 bě wólbne wobdźělenje přez cyły dźeń 49 procentow wučinjało. Hamtski wólbny wuslědk wočakuja najpozdźišo srjedu rano.

Veröffentlicht in Słowjanski wukraj
Bitte anmelden, um einen Kommentar zu posten

Anzeige