Pólska telewizija popularne, ale knježerstwu njelube wusyłanje skónčiła

Waršawa. Kritiske rozprawnistwo wo postupowanju knježerstwa přećiwo koronawirusej móže bjeze wšeho negatiwne sćěhi měć. To dyrbješe pólski publicist a moderator Jan Pospieszalski bolostnje začuwać. Wón bě jara popularne telewizijne wusyłanje „Warto rozmawiać“ (Wudani so wo tym rěčeć) w pólskej statnej telewiziji TVP jako moderator nawjedował, dotal wjace hač 200 króć.