Praha (SN). Swobodny stat Sakska a Čěska republika chcetej swoje zhromadne dźěło na polu wědomosće rozšěrić. To potwjerdźi sakski minister za wědomosć Sebastian Gemkow (CDU) pjatk w Praze. Minister přebywaše tam na bilateralnych rozmołwach ze zastupnikami wažnych čěskich slědźerskich institucijow. Mjez druhim rozmołwješe so z prezidentku Čěskeje akademije wědomosćow prof. Evu Zažímalovej a z rektorom Čěskeje techniskeje uniwersity dr. Vojtěchom Petráčekom.