Waršawa (dpa/SN). Pólscy ratarjo su na pomjeznym přechodźe Medyka ukrainske železniske wagony ze žitom wočinili a žito na kolije wusypali. Po tutym puću su strategisce wažnu železnisku čaru krótkodobnje blokowali. Skupina něhdźe 25 burow je na kromje demonstracije na bliskej dróze na dwórnišćo běžała, medije rozprawjeja. Akciju su spěšnje zaso skónčili. Wagony z kukuricu běchu za eksport do Němskeje předwidźane.