Pólski sudnik knježerstwu wumjetuje, zo kraj do wójny wjedźe

Waršawa. Pólska towaršnosć je šokowana a znjeměrnjena: Tomasz Szmydt, sudnik na wobwodnym zarjadniskim sudnistwje we Waršawje, je do Běłoruskeje ćeknył. Tam prošeše mócnarja Aleksandera Lukašenka wosobinsce wo „azyl a škit“. Swoju kročel wopodstatni Szmydt z tym, zo njeje spokojom z politiku knježerstwa, kotraž ćěri Pólsku z pomocu USA a Wulkeje Britaniskeje do wójny, a zo so tohodla wohroženy čuje.